“Ua taa ê hoi to ˈu hamaniraahia”

“NO HEA mai au?” E uiraa teie o ta te rahiraa o te mau tamarii e ui i te hoê taime aore te tahi atu. Ia rahi te mau tamarii, e riro mai ta ratou mau uiraa i te hohonu roa: “No hea mai te ora?” Ua tauaparauhia teie uiraa e tau tausani matahiti, e pinepine te mau aivanaa i te farii e e mea tupu noa mai te mau mea te pahonoraa tano roa ˈˈe no nia i te tumu o te ora. A tahi, te faataa ra te mau taata tiaturi ra e e mea tupu noa mai te mau mea e e mea tupu noa mai te ora ma te tumu ore.

E 3000 matahiti i mairi aˈe nei, ua papai te arii ra o Davida e: “E haamaitai au ia oe, ua taa ê hoi to ˈu hamaniraahia.” (Salamo 139:14) Hau noa ˈtu to tatou ite no nia i te ora, hau noa ˈtu teie mau parau i te mea mau. Inaha, ua papai te taata tuatapapa i te mau puai o te taoˈa o Fred Hoyle e: “A rahi noa ˈtu ai te mau ohipa e itehia ra e te feia maimi no nia i te huru maere e te fifi ia faataa o te ora, mea papu maitai atura e i te mea e mea haihai roa te mau manuïaraa ia tupu noa mai te ora ma te tumu ore e e nehenehe oia e faarue roa i te reira. Eita e nehenehe e parau e e ua tupu noa mai te ora ma te tumu ore.”

No reira eaha te tumu o te ora? E tauaparau mai na e piti tumu parau matamua o teie vea no nia i teie uiraa. Mai te peu e hinaaro outou i te tahi atu mau haamaramaramaraa, a papai atu i te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 2.