“Tiaturiraa no te hoê ao maitai aˈe”
A haere ai oia e mataitai i te oire no Montréal i te avae tiurai 1985 ra, ua moehia aˈera ia Gilles Le Sieur i ta ˈna pute i roto i te hoê vahi tapearaa pereoo auahi. Te mahana i muri aˈe oia i hoˈi atu ai i te fare — oia hoi i te atearaa 260 kilometera mai Montréal atu — ua niuniu maira te hoê vahine apî ia ˈna no te faaite atu ia ˈna e ua iteahia mai ta ˈna pute. Ua hoˈi faahou atura o Gilles e ta ˈna vahine i Montréal no te tii i taua pute ra, ua horoa ˈtura raua na taua vahine apî ra i te buka ra E nehenehe oe e ora e a muri noa ˈtu i roto i te paradaiso i nia i te fenua nei. E piti hebedoma i muri iho, ua tae maira ta raua rata haamauruururaa, e na ô ra e:
“Aita vau i ite e o vai ra tei tauturu rahi te tahi i te tahi te hebedoma i mairi aˈenei. I te mea hoi e aita roa ˈtu vau e tiai ra e ia haamauruuruhia mai vau, ua oaoa roa aˈera vau i to orua aau mehara ia ˈu nei. Ua oaoa roa vau i te mea e ua hinaaro orua e ia ite atoa vau i te tumu no to orua oaoaraa. (...) Ua oti noa ˈtura ia ˈu i te taio i te buka ta orua i horoa mai, e i te taime orua e taio ai i teie rata, e taio atoa te hoê o to ˈu mau hoa i teie nei buka. Ua tano maitai orua i te faahitiraa i te parau no te mau haamaitairaa ta teie buka e hopoi mai. Eita noa oia i horoa mai no ˈu i te tiaturiraa no te hoê ao maitai aˈe, te pahono atoa râ o ˈna i te mau uiraa e rave rahi ta ta ˈu haapaoraa i ore roa ˈtu e nehenehe e pahono. (...) Ua haamata faahou vau i te taio i te Bibilia ma te hinaaro e ora i te oraraa maitai aˈe.”
Ua tamau noâ teie vahine apî i te haapii i te Bibilia, e i te tau mau ra, ua riro maira oia ei tavini ma te taime taatoa no te mau mea maitai ta ˈna i haapii. Ua riro te buka ra E nehenehe oe e ora e a muri noa ˈtu i roto i te paradaiso i nia i te fenua nei ei mauhaa tei haamaitai i te oraraa o e rave rahi mau taata. Te tuatapapa ra teie buka, hoê â hoi rarahi e te api o teie nei vea, no nia i te mau haapiiraa atoa a te Bibilia e te vai ra ïa i roto 150 mau hohoˈa o te riro ei haapiiraa. Ia noaa ia outou i teie buka, a faaî noa mai e a hapono mai i teie parau pahonoraa i raro nei.
A hapono mai na i te buka ra e 256 api E nehenehe oe e ora e a muri noa ˈtu i roto i te paradaiso i nia i te fenua nei. Te faatae atu nei au i te tino moni ra 130 tara.