Ua ite oia i te huti i to ratou manaˈo

Aita i maoro aˈenei, teie te rata i faataehia ˈtu i te feia i nenei i teie nei buka: “E orometua haapii tamarii vau i roto i te hoê fare haapiiraa tuatahi. I te hoê mahana, ua hopoi maira te hoê o ta ˈu mau tamarii haapii i te buka ra Ta ˈu buka aamu bibilia ia taio vau i mua i te taatoaraa o te mau tamarii. Ia manaˈo vau, o teie anaˈe te buka tei papaihia ia au i te faito e te huru papairaa o te nehenehe e huti i te manaˈo o te hoê tamarii haere haapiiraa tuatahi. E nehenehe ta ˈu e parau atu e ua faahiahia roa te mau tamarii i te mau aamu e vai ra i roto (...). Te faatae atu nei au i te hoê parau moni ia hapono mai outou i te tahi na ˈu.”

E nehenehe atoa e roaa ia oe i teie nei buka e 256 api, mea rahi hoi te mau hohoˈa i roto. Mai te peu e e hinaaro oe, a faahoˈi atu i te parau-pahonoraa i raro nei i te hoê o te mau vahi nohoraa i faaitehia i te piti o te api o teie nei vea.

A faaite mai na ia ˈu e mea nafea e roaa mai ai ia ˈu i te buka ra Ta ˈu buka aamu bibilia.