Mai te mahana o te mau upoo utuafare tae atu i te tau o te mau tavana

Te mau aamu o teie tuhaa, ua tupu i te roaraa tau e 2 200 matahiti. E haamata mai tatou na nia ia Enoha o tei ora i te tau a ora noa ˈi Adamu e tae roa mai i te tau o te peropheta Samuela o tei faatoroa i te arii matamua o Iseraela. Hau atu â, e hiˈopoa mai tatou i te mau hiˈoraa mai ia Noa, Aberahama, Sara, Mose, Rahaba, Debora e Gideona. E hiˈo mai tatou mea nafea vetahi i te ineineraa i te ratere atea e te tahi atu i te aroraa no “te tamaˈi a Iehova.” Ua faaite ratou paatoa i te itoito ma te rave-maite-raa i ta ratou mau hopoia no ǒ mai i to ratou Atua here.