Ua vai taiva ore oia i to ˈna Atua

I TE tau a horo ê ai Mose ia Aiphiti, ua fanauhia mai te hoê aiû i roto i te hoê utuafare Iseraela tîtî, o Kaleba te iˈoa. Ua paari teie tamarii i roto i tera oraraa ei tîtî, tera râ, ua ora maoro oia no te ite i te tiamâraa. I te 40raa o to Kaleba matahiti, ua hoˈi Mose i Aiphiti, i tera taime na Iehova i faaue atu no te faatiamâ i to ˈna nunaa, ia Iseraela. Ua maere e ua oaoa roa o Kaleba i te iteraa mea nafea Iehova i te faaiteraa i to ˈna puai na roto i na ahuru ati, i te vahiraahia te miti Uteute e te faatiamâraahia to ˈna nunaa.

Aita roa i moˈe ia Kaleba i teie mau tupuraa o tei haapuai i to ˈna faaroo. Ua vai taiva ore o ˈna a orure hau ai e rave rahi Iseraela tau avaˈe i muri iho i te mouˈa Sinai. Tau taime i muri aˈe, ua horoahia te hoê hopoia taa ê ia Kaleba: e hiˈopoa haere i te Fenua tǎpǔhia na muri ia Iosua e na ahuru tane Iseraela, te mau raatira.

I te haereraa na 12 tane itoito i Kanaana, 40 mahana ratou i ǒ e hiˈopoa haere i te mau oire, te taata no ǒ e te maa o te fenua. Ua hoˈi mai ratou e te tahi mau maa hotu oia atoa te amaa peenave vine e no te teiaha, titauhia e piti tane no te amo i te reira. Tera râ, i te faaiteraa na ahuru tane ia Iseraela i ta ratou i ite, ua inoino roa o Kaleba i te faarooraa i ta ratou i parau. Te taio ra tatou: “Parau noa maira ratou i te ati Iseraela i te parau faatoaruaru.” Ua parau atoa ratou e mea puai roa te taata no Kanaana no te aro atu. E aita i haama i te parau e mau huaai Nephilimi ratou tei haamouhia hoi i te diluvi. Ua toaruaru roa te nunaa e ua hinaaro vetahi e faatoroa i te hoê raatira apî no te faahoˈi ia ratou i Aiphiti.

Ua mau papu râ o Kaleba e Iosua. Ua tamata raua i te turai i te nunaa ia parau: “Tei ia tatou ra Iehova. Eiaha e mǎtaˈu ia ratou.” Tera râ, ua rahi atu â to Iseraela riri e ua opua ratou i te pehi ia Kaleba e Iosua i te ofai ia pohe raua!

Ua mauiui roa o Iehova. No te mau mea atoa ta ˈna i rave no to ˈna nunaa i mua i teie nunaa puai no Aiphiti, ua ere faahou Iseraela i to ratou faaroo ia ˈna. Tera râ, ua tapao te Atua i te itoito e te faaroo o Kaleba e Iosua. Ua parau oia: “E huru feruriraa ê to ta ˈu tavini ra o Kaleba e ua tamau oia i te pee ia ˈu ma te aau atoa.” Ua faaoti ïa Iehova e e pohe te uˈi taiva o Iseraela i te medebara.a Tera râ, ua ora maoro o Kaleba e Iosua e ua tomo raua i te Fenua tǎpǔhia.

I na roaraa 40 matahiti overeraa Iseraela i te medebara, ua tamau Kaleba i te faaite i te faaroo e te itoito. Ua turu maite oia ia Mose, e ia Iosua atoa i muri aˈe i te poheraa o Mose, i to Iehova faaueraa ia Iosua ia faahaere i te nunaa o te Atua na te anavai Ioridana, a tomo atu ai i te Fenua tǎpǔhia. Noa ˈtu mea paari o Kaleba, e aito itoito mau o ˈna i mua i te enemi o te Atua i Kanaana.

Ono matahiti muri aˈe i to te nunaa o te Atua haereraa na te anavai Ioridana, ua haruhia te rahiraa o te tuhaa o te Fenua tǎpǔhia. Teie ïa te taime no Kaleba e faaoti ai ihea o ˈna e puhapa ˈi. Ua maiti oia ia Heberona, te hoê vahi ta teie ahuru taata i parau e aita e nehenehe e haru i tera vahi no te mea, e mau taata rarahi te ora ra i ǒ. Noa ˈtu e 85 matahiti to Kaleba, ua papu ia ˈna i te tupu: “Ei pihai iho Iehova ia ˈu, e e tiahi au ia ratou, mai ta Iehova i fafau.” E tera iho â tei tupu. Ua haru Kaleba i tera oire, e ua puhapa i reira. I muri iho, te taio ra tatou: “Aita ˈtura e tamaˈi i tupu i tera fenua.”

Te mau matahiti na mua ˈtu, ua parau Mose ia Kaleba: “Ua faaroo oe ma te aau atoa ia Iehova to ˈu Atua.” Ua tapea maite Kaleba i teie mau parau tae roa ˈtu i te hopea o to ˈna oraraa! E mea papu, e na reira faahou oia i te taime a faahoˈi mai ai Iehova ia ˈna i te ora i roto i te paradaiso!

A taio i te aamu Bibilia:

• Numera 13:1–​14:12, 20-38

• Iosua 14:6-15

A aparau:

Mea nafea to Kaleba faaiteraa i te itoito?

A faahohonu atu â

1. 1. No te aha e nehenehe ai e parau ia au te Numera 13:23 e mea rarahi iho â te mau vine i te Fenua tǎpǔhia? (brw060615 “‘A haapao i teie tumu vine’!” par. 1-2)

   Ta oe pahonoraa

2. 2. Mai ta Kaleba e Iosua i faataa no te Fenua tǎpǔhia, e vahi anei teie e tahe noa “te û e te meri”? (Num. 14:8; brwp110301 “Te hoê fenua e tahe noa te û e te meri”) A

   Ta oe pahonoraa

   

   Institute of Archaeology/Hebrew University © Tel Rehov Excavations

3. 3. I to Mose tonoraa i na 12 tane mai Kadesa, eaha te atearaa te Fenua tǎpǔhia e te nunaa Iseraela? (w04 1/11 16 par. 11-12) B

   Ta oe pahonoraa

   

4. 4. Mea nafea Iehova i te haamaitairaa i te faaroo e te itoito o Kaleba? (w06 1/10 19 par. 11)

   Ta oe pahonoraa

A feruri i te mau haapiiraa

• Noa ˈtu ua faaite Kaleba i te faaroo, ua overe o ˈna e te toea o Iseraela i te medebara. Noa ˈtu te reira, ua tamau oia i te tiaturi ia Iehova. I roto i teihea mau tupuraa e nehenehe ai tatou e pee i te hiˈoraa o Kaleba?

  Ta oe pahonoraa

• Nafea te hiˈoraa o Kaleba e tauturu mai ai ia ‘ore roa e pee i te nahoa’? (Exo. 23:2) C

  Ta oe pahonoraa

  

• I roto i teihea ˈtu â tuhaa e nehenehe ai oe e pee i te itoito o Kaleba?

  Ta oe pahonoraa

A huti mai i te haapiiraa

• Eaha ta teie aamu e haapii mai no nia ia Iehova?

  Ta oe pahonoraa

• E nafea teie aamu e tuati ai i te opuaraa a Iehova?

  Ta oe pahonoraa

• Eaha ta ˈu e hinaaro e ani ia Kaleba i te tia-faahou-raa?

  Ta oe pahonoraa

A haapii hau atu â

A hiˈo mea nafea te faaroo o Kaleba i te tuati-maitai-raa i to ˈna itoito.

“Itoito maoti te faaroo e te mǎtaˈu i te Atua” (w06 1/10 17-20 par. 1-12)

Noa ˈtu e 85 matahiti to Kaleba, no te aha oia i parau ai: “Ua pee au ma te aau atoa ia Iehova to ˈu Atua”? (Ios. 14:8)

“Te pee hua ra anei outou ia Iehova?” (w93 15/5 26-29)