HAAPIIRAA 13

A faaitoito ia faaohipa i te aˈoraa

Isaia 48:17

TE FA: A tauturu i te taata ia taa e faufaa-mau-hia ratou i ta oe e parau ra. A faaite atoa e nafea ratou ia faaohipa i ta oe e haapii atu ra.

A feruri i te taata. No te aha e titauhia ia faaroo ratou i ta oe poroi? I roto i ta oe tumu parau, eaha mau na te tuhaa o te tauturu ia ratou?
I te roaraa o te tumu parau, a faaite eaha te tia ia rave. Mai te omuaraa iho â, ia taa i te taata tataitahi e tauturu mau ta oe e haapii ra ia ˈna. Eiaha e na nia ê noa i te faataa i tera e tera manaˈo faufaa, a faaite maitai râ e nafea ia faaohipa i te reira.

A faataa ma te here e te hamani maitai e faufaahia te taata ia haapao i te mau faaueraa tumu. Eiaha e faahapa aore ra e haava ia vetahi ê. Ia haaputapû râ ta oe mau parau i to ratou aau a turai atu ai ia ratou ia rave i te mea maitai.