HAAPIIRAA 1

Omuaraa parau tano maitai

Ohipa 17:22

TE FA: Ia faaara ta oe omuaraa parau i te anaanatae o te taata. A maiti ïa i te hoê tumu parau e anaanataehia ra e te taata.

A faaara i te anaanatae. A maiti i te hoê uiraa, faahitiraa, tupuraa o te oraraa, aore ra te hoê parau apî e anaanatae ai te taata.

A feruri i te mau mea ta te taata e anaanatae aore ra e haapeapea ra. I muri iho, a faatano i ta oe omuaraa parau ia au i te reira.
A maiti i te hoê tumu parau. Na roto i ta oe omuaraa parau, ia taa oioi i te taata eaha te tumu parau ta oe i maiti e te faufaaraa o te reira.
A faaite i te faufaaraa o te tumu parau. A faatano i ta oe mau parau i te hinaaro o te taata. E titauhia ia faataa maitai atu e nafea te reira e tauturu ai ia ratou.

A faaineine ai i te hoê oreroraa parau, a ui ia oe iho, ‘Eaha ta te mau taeae e tuahine o te amuiraa e faaruru ra?’ E a faatano i ta oe omuaraa parau ia au i to ratou hinaaro.