Afea te paradaiso?

Te haapapu ra te mau ati e tupu i te fenua, e fatata ïa te Faatereraa a te Atua i te ohipa. Luka 21:10, 11; Timoteo 2, 3:1-5

Ua tohu te Bibilia e rave rahi mea e tupu ra i teie mahana. Ei hiˈoraa, e nounou te taata i te moni, e faaroo ore i te metua, e iria e e hinaaro i te mau mea e navenave ai ratou.

E itehia te aueueraa fenua rahi, te tamaˈi, te oˈe e te maˈi pee. Te tupu nei teie mau mea.

Ua parau atoa Iesu e e porohia te parau apî oaoa o te Faatereraa arii e ati aˈe te fenua.—Mataio 24:14.

E faaore te Faatereraa a te Atua i te ino. Petero 2, 3:13

E fatata Iehova i te haamou i te feia ino atoa.

E faautuahia Satani e te mau demoni.

E ora ˈtu te feia e faaroo i te Atua i roto i te hoê ao apî parau-tia, aita e mǎtaˈu faahou. E tiaturi e e here te taata te tahi i te tahi.