TUHAA 8

Eaha te auraa no oe te pohe o Iesu?

Ua pohe Iesu ia ora tatou. Ioane 3:16

Te hiˈo ra te mau vahine i te menema o Iesu e aita e tino to roto

E toru mahana i muri aˈe i to Iesu poheraa, ua haere te tahi mau vahine e hiˈo i to ˈna menema e aita e tino to roto. Ua faatia mai Iehova ia Iesu mai te pohe mai.

Te fa ra Iesu i mua i ta ˈna mau aposetolo, e i muri aˈe reva ˈtura Iesu i te raˈi

I muri iho ua fa ˈtu Iesu i ta ˈna mau aposetolo.

Ua faatia mai Iehova ia Iesu ei taata varua puai pohe ore. Ua ite te mau pǐpǐ a Iesu ia ˈna i te revaraa i te raˈi.

Ua faatia mai te Atua ia Iesu o tei riro ei Arii o ta ˈna Faatereraa. Daniela 7:13, 14

Mai to ˈna terono i roto i te Faatereraa, te faatere ra Iesu i te taata i roto i te paradaiso i te fenua

Ua horoa Iesu i to ˈna ora ei hoo no te huitaata. (Mataio 20:28) Maoti tera hoo, ua horoa mai te Atua i te ravea e ora ˈi tatou e a muri noa ˈtu.

Ua faatoroa Iehova ia Iesu ei Arii no te faatere i te fenua. E apiti atoa ˈtu 144 000 taata taiva ore tei faatiahia mai no te ora i te raˈi. E apiti na 144 000 ia Iesu no te faatupu i te hoê faatereraa parau-tia i te raˈi, te Faatereraa arii a te Atua.—Apokalupo 14:1-3.

E faariro te Faatereraa arii a te Atua i te fenua ei paradaiso. E ore te tamaˈi, te ohipa ino, te veve e te pohe poia. E oaoa mau te taata.—Salamo 145:16.