Ua ite anei outou?

(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 25. Te vai ra te tahi atu haamaramaramaraa i roto i te buka ra “Étude perspicace des Écritures,” neneihia e te Watchtower Bible and Tract Society of New York, Inc.)

1. O vai tei faahepohia e tauturu i te amo i te pou haamauiuiraa o Iesu? (Mataio 27:32)

2. Eaha te parau ta te Atua i faaohipa na hau atu i te 90 taime i mua i te peropheta ra Ezekiela no te faataa e e taata noa oia? (Ezekiela 2:1)

3. Mai tei faaitehia i roto i te Ture, eaha te tauihaa faaapu ta Iehova i ite aˈena e e nehenehe e faaohipahia mai te hoê mauhaa? (Exodo 21:18)

4. I nia i te aha e tia ia niuhia te mau ohipa horoa ta Paulo i parau, e maitaihia ˈi te taata horoa? (Korinetia 1, 13:3)

5. Eaha ta Iesu i faaite atea mai no nia i te ohipa ta Petero e rave e toru taime i taua mahana râ na mua ˈˈe te moa e aaoa ˈi? (Luka 22:34)

6. O vai te opu o Iseraela i fanaˈo i ta ratou tufaa fenua i te pae hitia o te râ e i te pae tooa o te râ no Ioridana? (Iosua 13:29; 17:5)

7. No te riroraa mai ei taata rahi mau, eaha te haerea e titauhia, ia au i ta Iesu i parau? (Luka 9:48)

8. No te aha o Samasona i maiti ai i te hoê vahine Philiseti ei vahine na ˈna? (Te mau tavana 13:25–14:4)

9. Noa ˈtu e ua haapohe-aˈena-hia ta Hamana na tamaroa hoê ahuru, eaha ta Esetera i titau? (Esetera 9:13)

10. Nafea te mau tia faatere o te mau mataeinaa e piihia ˈi i roto i te mau hau emepera Babulonia e Peresia? (Daniela 6:1)

11. Ia ora mai te tahi pae, eaha ta Iesu i parau no nia i te mea e ravehia i te mahana o te “ati rahi”? (Mataio 24:21, 22)

12. A faatata ˈi oia i te pohe, eaha te haapapuraa ta Iosepha i horoa ˈtu i te mau tamarii a Iseraela? (Genese 50:24; Hebera 11:22)

13. O vai te taata haamau e te arii o te hau emepera matamua i muri aˈe i te Diluvi? (Genese 10:8-12)

14. Ihea roa te hooraahia mai e te Arii ra o Omeri te mouˈa ra o Samaria i na taleni ario e piti hou a faariro ai i te reira ei oire pu no ˈna? (Te mau arii 1, 16:24)

15. I teihea oire te manaˈoraahia e o Paulo raua Baranaba te mau atua Hereme e Dia? (Ohipa 14:8-12)

16. A horo ê ai o Davida e to ˈna mau taata mai Ierusalema ˈtu i muri aˈe i te orureraa hau a Abasaloma, o vai tei haere ra na te pae mouˈa ma te taora i te ofai e te repo i nia ia ratou? (Samuela 2, 16:13)

17. I teihea hiti pape to Daniela iteraa i te orama no nia i te aroraa i rotopu i te mau arii no apatoerau e no apatoa? (Daniela 10:4)

18. I teihea vahi te paturaahia te pare o Babela? (Genese 11:2)

Pahonoraa i te mau uiraa

1. O Simona no Kurene.

2. “Te tamaiti a te taata”

3. Te patia repo

4. Te here

5. E huna oia i to ˈna iteraa ia Iesu

6. Manase

7. “O tei iti roa hoi”

8. Ua na reira oia ia au i te aratairaa a te varua o te Atua; e horoa taua faaipoiporaa ra ia ˈna i te ravea no te aro i te mau ati Philiseti

9. Mai to ˈna metua tane, ia tarihia ratou i mua i te nunaa ei haamaraa

10. Tavana

11. E haapotohia taua tau ra

12. E horo ê ratou mai Aiphiti atu i te Fenua i Tâpûhia

13. O Nimeroda

14. Semera

15. Lusetera

16. Te Beniamina ra o Simei

17. Hidekela

18. Sinara