O ta te mau api parau iti Bibilia e nehenehe e faatupu

I te oire no Golitsino, i pihai iho ia Moscou, i Rusia, ua horoa te hoê Ite no Iehova i te api parau iti ra A fanaˈo i te hoê oraraa utuafare oaoa na te hoê vahine, e turai noa ra i te hoê pereoo tamarii. Ua tamau noa ˈtura taua Ite ra i te haere, aita râ i maoro, ua faaroo atura oia i te vahine i te piiraa mai ia ˈna. Te tapapa maira oia ia ˈna, a turai noa ˈi i ta ˈna pereoo tamarii.

Ua na ô maira taua vahine ra e te hinaaro ra oia e ite hau atu â, ua horoa ˈtura te Ite e piti atu â api parau iti no nia i te mau tumu parau Bibilia. Ua horoa atoa ˈtu oia i ta ˈna numera niuniu, ia nehenehe te vahine ra e taniuniu mai ia ˈna i muri iho. I taua noa po ra to ˈna taniuniuraa mai, e ua ravehia te mau faanahoraa ia nehenehe oia e fanaˈo i te hoê haapiiraa Bibilia i te hebedoma i to ˈna fare. I roto noa e hitu avaˈe, ua pûpû atura taua vahine ra e to ˈna tuahine atoa ia raua no te tavini i te Atua, e ua bapetizohia raua.

Mai te peu e e hinaaro outou e taio i te mau api parau iti Bibilia ra A fanaˈo i te hoê oraraa utuafare oaoa, Te tamǎrûraa no te feia e taiâ ra, O vai mau na te faatere o te ao nei?, Te hoê oraraa hau i roto i te hoê ao apî, a papai atu ïa i te amaa a te Taatiraa “Te mau Ite no Iehova,” B.P. 7715, 98719 Taravao, TAHITI, aore ra i te hoê o te mau vahi nohoraa i te api 5.