Te haafaufaa mau ra oia i Te Pare Tiairaa

“Noa ˈtu e e Katolika Roma vau,” o ta te hoê ïa tamarii haere haapiiraa i te piha ono, no Toledo, i Ohio, i te mau Hau Amui no Marite, i papai, “te hinaaro nei au e tamatahiti ia ˈu i ta outou vea maitai roa. Auaˈe o Trevor i anaanatae ai au i Te Pare Tiairaa. E parahi na oia i pihai iho ia ˈu i roto i te piha. E hoa mâua fatata hoê matahiti te maoro i teie nei, e ua haapii mai oia ia ˈu e rave rahi mau mea no nia ia Iesu, ia Iehova, e i te mau Ite no Iehova.

“Hoê â to mâua Trevor matahiti, to mâua roa, e mea turu roa oia i ta ˈna faaroo. Ua tamatahiti oia ia ˈna i Te Pare Tiairaa e ua faatia oia ia ˈu ia taio i te hoê o ta ˈna mau vea. Ua au vau i te mau tumu parau putapû ta outou e papai ra. Te tiaturi nei au e eita outou e tâuˈa i te mea ra e ere au i te Ite no Iehova, e e faatia outou e ia tamatahiti au ia ˈu i ta outou vea.”

Te taiohia nei Te Pare Tiairaa e to ˈna apiti ra, A ara mai na!, ma te au, e te mau taata no e rave rahi nunaa e haapaoraa ati aˈe te ao nei. I te matahiti i mairi anaˈe, hau atu i te 900 mirioni o teie nau vea tei neneihia na roto hau atu i te 120 reo!

E faufaa-atoa-hia outou na roto i te taio-tamau-raa i Te Pare Tiairaa e te A ara mai na! Mai te peu e e hinaaro outou i te tahi na outou aore ra i te hoê haapiiraa Bibilia tamoni ore i to outou fare, a papai atu ïa i te amaa a te Taatiraa “Te mau Ite no Iehova,” B.P. 7715, 98719 Taravao, TAHITI, aore ra i te hoê o te mau vahi nohoraa i te api 5.