Ua ite anei outou?

(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 29. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)

1. Eaha te mau ǔ i faaohipa-pinepine-hia no te mau tauihaa o te hiero e no te mau ahu o te tahuˈa rahi? (Exodo 36:35)

2. Ehia mau huiarii no Peresia tei riro ei feia aˈo piri roa i te Arii ra o Ahasueru e tei turu i te haavaraa i nia i te Arii vahine ra o Vaseti? (Esetera 1:13-15)

3. Ua riro o Melehizedeka ei arii e ei tahuˈa no teihea oire no tahito ra? (Genese 14:18)

4. Eaha te taˈo i faaohipahia i roto i te tahi mau huriraa a te Bibilia no te faataa i te pou i reira to Iesu rîraahia? (Mataio 10:38)

5. O vai te metua hoovai o Mose? (Numera 10:29)

6. Eaha te mea ta Iesu i parau e, aita roa te hoê ati Iuda i rave i nia i te Ture a Mose? (Ioane 7:19)

7. Ia au i te parau taipe, eaha te taata nei i roto i te rima o te Potera Rahi? (Isaia 64:8)

8. Ehia taime te tahuˈa rahi no Iseraela e tomo ai i roto i te vahi Moˈa Roa? (Hebera 9:7)

9. Na te taata e tanu e e faarari i te pape, eaha râ ta te Atua e rave? (Korinetia 1, 3:7)

10. Ua parau o Iesu e, ua riro te haapaoraa i te hinaaro o to ˈna Metua ei aha na ˈna? (Ioane 4:32, 34)

11. Ua parau o Iesu ia riro ‘ei tavini no te taata atoa,’ ia noaa teihea tiaraa? (Mareko 10:44)

12. Eaha ta Paulo i parau e, e ere faahou i te mea mau ahiri e ua hiˈohia? (Roma 8:24)

13. Nafea atoa ia parauhia te hoê nǎnǎ animala? (Genese 32:16)

14. O vai te pǐpǐ i ani ia Iesu e: “O oe anaˈe [anei] te taata ê i Ierusalema nei?” (Luka 24:18)

15. Ua faaue o Paulo ia riro “ei taata paari” i te aha, “area i te ino ra, ei tamarii aruaru ïa”? (Korinetia 1, 14:20)

16. I teihea avaˈe ati Iuda to Nehemia faaotiraa i te faatia-faahou-raa i te mau patu o Ierusalema? (Nehemia 6:15)

17. Eaha te oire tei riro ei oire pu no te basileia apatoerau no Iseraela tau 200 matahiti te maoro? (Te mau arii 2, 3:1)

18. O vai te metua o te peropheta Ioela? (Ioela 1:1)

19. Eaha te raau ta Isaia i parau e, e tanu te hoê taata e i muri iho, e rave oia no te tunu i ta ˈna maa, no te haamahanahana ia ˈna iho, e no te hamani i te hoê atua? (Isaia 44:14-17)

20. Eaha te aamu to muri iho noa i te faatiaraa a te Bibilia no nia i te pare no Babela? (Genese 11:10)

21. Eaha te anotau i tohuhia mai e na mua noa ˈˈe i te faraa mai o te Mesia? (Daniela 9:25)

22. O vai te iˈoa o te metua vahine o te Arii maitai ra o Hezekia? (Te mau arii 2, 18:2; Paraleipomeno 2, 29:1)

23. “O tei faafaufau i te idolo ra,” eaha ïa ta ˈna e ore e rave i roto i te mau hiero? (Roma 2:22)

24. E haavahia te taata tataitahi e faatia-faahou-hia mai, ia au i te aha? (Apokalupo 20:12, 13)

25. Ia au i te parau a Iakobo, o vai te tia ia hamani-maitai-hia, ei tapao no te haamoriraa mau? (Iakobo 1:27)

Pahonoraa i te mau uiraa

1. Te uraura e te uteute

2. E hitu

3. No Salema

4. Satauro

5. O Reuela

6. I haapao i te Ture

7. E araea

8. Hoê taime i te matahiti

9. Na ˈna e faatupu

10. Ei maa

11. Te tiaraa hau, aore ra matamua, i nia i te mau pǐpǐ a Iesu

12. Te tiai, aore ra te tiaturiraa

13. E taura, aore ra tiaa

14. O Keleopa

15. “I te ite”

16. Elula

17. O Samaria

18. O Phetuela

19. Te arana

20. Te aamu o Sema

21. ‘Na hebedoma e ono ahuru e ma piti’

22. O Abi aore ra o Abia

23. E eiâ

24. I ta ratou mau ohipa

25. Te otare e te mau vahine ivi