Ua ite anei outou?
(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 30. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)
1. Eaha te mea ta Iesu i faaue matamua i ta ˈna mau pǐpǐ eiaha e rave ia haere ratou e poro, ta ˈna râ i parau i muri iho ia rave? (Luka 9:3; 22:35, 36)
2. Taa ê atu i te toto, eaha te maa tei opanihia i te nunaa Iseraela anaˈe ia amu? (Levitiko 3:17)
3. Teihea roa o Gideona i to te melahi a Iehova faaueraa mai ia ˈna ia riro ei faaora no Iseraela? (Te mau tavana 6:11-14)
4. O vai te peropheta, i rotopu e 400, o ˈna anaˈe tei faaite atu i te parau mau i te Arii ra o Ahaba no nia i to ˈna haereraa e tamaˈi i to Arama? (Te mau arii 1, 22:13)
5. Eaha te faito Hebera i faitohia ˈi te tuhaa mâna na te Iseraela tataitahi i te roaraa o to ratou tere e 40 matahiti i roto i te medebara? (Exodo 16:16)
6. Ua tohuhia e e riro mai te oire puai ra o Nineve ei aha? (Zephania 2:13)
7. Ua pohe o Mose i nia i teihea mouˈa i muri aˈe i to ˈna hiˈoraa ˈtu i te Fenua Tǎpǔhia? (Deuteronomi 32:49, 50)
8. Ua faaau Petero i te mau Kerisetiano o te hoˈi i to ratou huru oraraa tahito, i teihea animala tei mâ e te hoˈi e taaviriviri i roto i te vari? (Petero 2, 2:22)
9. Eaha te fare tei faahitihia e te Bibilia i roto anaˈe i te mau buka a Paraleipomeno 1, Nehemia, Esetera, e Daniela? (Daniela 8:2)?
10. Te faaau ra te Maseli 23:27 i te vahine faaturi i te aha?
11. Eaha te tiaraa iˈoa ta Phesito i faaohipa no te Kaisara ra o Néron? (Ohipa 25:21)
12. O vai na tiaau ratere e piti tei ia Timoteo ra i Korinetia, i te taime a faataehia ˈi te tapao aroha e te faaitoitoraa i te amuiraa i Tesalonia? (Tesalonia 1, 1:1)
13. Eaha te mea “mau e te ino ore” ta te Atua e farii mai te peu noa e eita te taata e “viivii i teie nei ao”? (Iakobo 1:27)
14. Ehia taime i te matahiti e tia ˈi i te mau tane Iseraela atoa ia ‘haere faaiteraa ˈtu i mua i te aro o Iehova’ i Ierusalema? (Deuteronomi 16:16)
15. Eaha ta Iesu i amu no te faaite i ta ˈna mau aposetolo e e ere oia i te varua, i to ˈna faraa mai i mua ia ratou i muri aˈe i to ˈna tia-faahou-raa? (Luka 24:36-43)
16. Te na ô ra te Salamo 146:3 eiaha e rave i te aha, no te mea e ere i te taata ra te ora?
17. Ua faatahunahia te aiû iti ra o Mose i roto i teihea mau raau tupu ia ore oia ia taparahihia e Pharao? (Exodo 2:3, V.C.J.S.)
18. O vai te atua Philiseti ra tei faahaehaahia i mua i te afata moˈa a Iehova? (Samuela 1, 5:2-7)
19. Eaha ta te Atua e pii ra e “taahiraa avae” no ˈna? (Ohipa 7:49)
20. Eaha te tumu raau varavara e te taoˈa rahi, tei faaohipahia no te hamani i te hiero e te mau taoˈa faataˈi upaupa? (Te mau arii 1, 10:12)
21. O vai te Pharao no Aiphiti tei faahiti i te parau “no ǒ i te Atua ra” i te Arii ra o Iosia tei ore i haapao e pohe atura? (Paraleipomeno 2, 35:22)
22. Ia pohe ta ˈna tane, e matara te hoê vahine i te aha? (Roma 7:3)
Pahonoraa i te mau uiraa
1. E pute maa
2. Te toâhua
3. I Ophera
4. O Mikaia
5. E omera
6. Ei oire pau e te pâpâmǎrô
7. Te Mouˈa Nebo
8. E maiaa puaa
9. E aorai
10. I te apoo hohonu
11. Auguso
12. O Paulo e o Siluano
13. Te paieti (aore ra haamoriraa, MN)
14. E toru
15. Maa iˈa tunu
16. E tiaturi i te hui arii, e te taata atoa
17. Te opaero
18. O Dagona
19. Te fenua
20. Te alamuga
21. O Neko
22. I te ture a ta ˈna tane