A haere mai e faaroo i te oreroraa parau huiraatira:

“A pee maite i te maramarama o te ao”

Te titau nei te mau taata i te maramarama no te turama i to ratou eˈa mai ta te hoê pereoo uira e titau i to ˈna mau mori i nia i te hoê purumu mouˈa e tipuu haere i te po. e nehenehe te maramarama i te pae varua e faaauhia i te mau mori maitatai roa, o te turama i te hoê purumu ia nehenehe te taata e ite papu e te haere ra ratou ihea. Eaha te pu o taua maramarama ra i te pae varua? E o vai te amo ra i teie maramarama i teie mahana?

Teie te mau uiraa o te pahonohia i roto i te oreroraa parau huiraatira e vauvauhia i te mau hanere rahiraa Tairururaa Mataeinaa a te mau Ite no Iehova “Te feia amo i te maramarama” e faatupuhia na te ao nei i teie tau veavea. Te titau-manihini-hia ˈtu nei outou ia haere mai i teie tairururaa.

E vauvau atoa mai te porotarama o te tairururaa i te mau tauaparauraa faufaa mau no nia i te mau tumu parau taa ê o te oraraa e tae noa ˈtu te hoê darama bibilia. A ani atu i te Piha no te Basileia a te mau Ite no Iehova no to outou vahi no te ite e ihea roa e afea te tairururaa piri roa ˈˈe i to outou fare e tupu ai, aore ra a papai atu i te feia nenei i teie vea.