Te mau tapao faahiahia i roto i te ohipa tahoêraa i te mau Ekalesia
1844: Omuaraa o te ohipa i rotopu i te mau faaroo tei haamau i muri aˈe i te Taatiraa kerisetiano o te mau taurearea tane e te mau taurearea vahine.
1846: Apooraa matamua i te ao nei a te Taatiraa Evanelia i rotopu i te mau faaroo i Lonedona, Beretane.
1908: Apooraa Hau a te mau Ekalesia a te Mesia i Marite. I te matahiti 1950, ua riro oia ei Apooraa o te fenua a te mau Ekalesia a te Mesia i roto i te mau Hau Amui no Marite.
1910: Apooraa matamua i te Ao nei a te mau Mitionare i Edimbourg, i te fenua Ecosse, “i reira te ohipa tahoêraa i te mau Ekalesia o teie tau i haamata mau ai.”—Buka parau paari beretane.
1919: Ua patoi te pâpa Benoît XV i te titauraa i te Ekalesia katolika ia apiti i te Ekalesia epikopo porotetani i roto i te hoê rururaa no nia i te faaroo e te faatoroaraa (te mau taa-ê-raa i rotopu i te mau Ekalesia no nia i te haapiiraa i te taata e te taviniraa).
1921: Haamauraa o te Apooraa no te Ao a te ohipa Mitionare.
1925: Apooraa matamua o te Ao nei a te Apooraa kerisetiano no nia i te Oraraa e te Ohipa (no te hiˈopoa i te hoê reni faatereraa i nia i te pae faanavairaa faufaa a te hoê Ekalesia, te hoê politita, e te hoê ravea totiale), i Stockholm, i te fenua Tuete.
1927: Apooraa matamua i te ao nei a te ohipa “Faaroo e Faatoroaraa” i rotopu i te mau Ekalesia, i Lausanne, i te fenua Helevetia.
1928: Ua nenei te pâpa Pie XI i te rata ra Mortalium animos, ma te opani i te mau katolika ia horoa i te huru tauturu atoa na te ohipa tahoêraa i te mau Ekalesia.
1937: Ua tahoê te manaˈo o te Apooraa “Ora e Ohipa” i tupu i Oxford, Beretane, e te Apooraa “Faaroo e Faatoroaraa” i tupu i Edimbourg, Ecosse, no te faatupu i te hoê tomite no te hoê noa area taime, no te haamau i te hoê apooraa i te ao nei o te mau Ekalesia. Ua faataimehia taua opuaraa nei no te mea ua tupu te Piti o te Tamaˈi rahi.
1948: Ua faanahohia te Apooraa eukumene a te mau Ekalesia (C.O.E.) a tupu ai te hoê apooraa haamauraa i Amsterdam, i te fenua Pays-Bas. Te vai ra to ˈna mau melo i roto fatata 150 Ekalesia porotetani e te tahi Ekalesia orthodoxe no te pae Hitia o te râ. Mai reira mai, ua faatupu tamau te C.O.E. i te mau tairururaa rahi (matahiti 1954: Evanston, Illinois, U.S.A.; 1961: New Delhi, Inidia; 1968: Uppsala, Helevetia; 1975: Nairobi, Kenya; 1983: Vancouver, Kanada).
1960: Ua faatupu te pâpa Ioane XXIII i te Piha Papairaa parau a te Vaticana no te faatupu i te Tahoêraa kerisetiano. Ua riro te reira “ei faaiteraa matamua o te ohipa tahoêraa i haamanahia e te Ekalesia katolika no Roma.”—Buka parau paari beretane.
1961: Ua tahoêhia te Apooraa no te ao nei a te mau Mitionare e te C.O.E. Ua haamata te Vaticana i te afai i te feia hiˈopoa katolika i haamanahia i te mau tairururaa rahi a te C.O.E.
1964: Ua haamana te pâpa Paulo VI i te “faaotiraa i nia i te tahoêraa i te mau Ekalesia” a te Apooraa a te Vaticana II tei faataa i te mau otia o te apitiraa katolika i te ohipa tahoêraa i te mau Ekalesia.
1965: Ua faaore te pâpa e te patereareha orthodoxe raua raua iho, i te tatararaa toroa i ravehia e te feia i faatere na mua mai ia raua, i nia i te tahi e te tahi i te matahiti 1054.
1968: Ua haamau te Vaticana e te C.O.E. i te Tomite Amui no te totaiete, te faarahiraa e te hau (SODEPAX).
1969: Ua haere te pâpa Paulo VI i te pu rahi o te C.O.E. i Geneve, Helevetia. Ua haapapu râ oia e o ˈna te mono o te aposetolo Petero e noa ˈtu eaha te oreroraa parau a te Ekalesia katolika i amui i te C.O.E., ua tupu ïa te reira na mua ˈˈe i te taime i faataahia.
1980: Ua faaorehia te SODEPAX.
1986: Ua faanaho te pâpa Ioane Paulo II i te “mahana pureraa o te ao taatoa nei no te hau” i Assise, i te fenua Italia, i reira te mau upoo faatere haapaoraa o te ao nei i putuputu mai ai no te pure no te hau ia au i ta ratou mau peu huru rau.