Ua faataimehia te paturaa fare

Ua nenei te hoê vea no Pennsylvanie, te “Scranton Times”, i te hoê hohoˈa arearea no nia i te faataimeraahia te paturaa o te hoê fare toa rarahi, tei opuahia e te oire. Te parau ra te hoê o te taata i nia i taua hohoˈa ra e: “Ia hiˈo vau, eita paha teie fare toa e matara!” Area te tahi ra: “Mai te peu e e mairihia teie fare i te iˈoa ra ‘Fare toa rahi o te Piha o te Basileia no Downtown’, e patu ïa te mau Ite o Iehova i teie nei fare i roto e 3 mahana!”

I roto e rave rahi mau fenua, ua tui roa te roo o te mau Ite o Iehova inaha, ua patu ratou tau hanere mau Piha o te Basileia na roto i te hoê huru raveraa vitiviti. Maoti te mau pǔpǔ rave ohipa aravihi i te pae no teie huru paturaa fare e te hoê tabula ohipa nahonaho maitai, e naeahia e 30 hora e tae atu i te 4 mahana no te faatia i te mau Piha o te Basileia. E ohipa maere mau â teie!