Api 2

I te mau hora atoa, tau hanere mau faataaraa teie e faaotihia nei i roto i te ao nei. I te mau matahiti atoa, tau mirioni tamarii tei hepohepo roa, tei riro ei tapao no te hoê aroraa aroha ore i rotopu i to ratou metua tane e to ratou metua vahine. I roto i te tahi mau fenua, e naea-roa-hia e 20 % mau faataaraa o te hope na roto i te mau aroraa i mua i te haavaraa no nia i te haapaoraa i te tamarii.

Ua papai-roa-hia te tahi mau tumu parau i roto i te mau vea, no nia i te tahi o taua mau aroraa ra tei faatupu roa i te hamani-ino-raa e te taparahiraa taata. No te aha hoi teie mau huru ohipa i tupu ai? Nafea te mau metua tataitahi e nehenehe ai e ohipa no te maitai o te mau tamarii? Mea tano noa anei te mau faaotiraa a te mau tiribuna? Te faatupu nei te tahi mau faaotiraa a te mau haavaraa no nia i te haapaoraa i te tamarii, i te peapea i ǒ te mau taata e rave rahi tei ite maitai i te mau ohipa e tupu nei e te hinaaro nei e paruru i te mau tiamâraa a te huiraatira.