Salamo

TE INO FANAU O TE TAATA.

Na te Menasehe na nia i te Mahalata. Masekila. E Salamo na Davida.

53 Te parau ra te feia maamaa i roto i to ratou ra aau e, Aore e Atua! ua ino ratou; e o te parau faufau ra ta ratou i rave: aore roa te hoê i rave i te parau maitai, e hoê iti aˈe. 2 O te Atua i nia i te raˈi tei hiˈo mai i raro nei, i nia i te tamarii a te taata nei; i te itearaa te tahi taata ite ra, i te imiraa i te Atua. 3 Ua hope roa i te haere ê, ua ati atoa i te ino: aore roa te hoê i rave i te parau maitai, e hoê iti aˈe. 4 Aore roa anei tei rave i te parau ino ra i ite, o tei amu i to ˈu ra mau taata mai te amuraa maa ra, e aore roa i tiaoro noa ˈtu i te Atua ra? 5 E roohia ratou i te rurutaina i reira, aore e haamǎtaˈu; ua haapurara hoi te Atua i te ivi o te feia i haapuni mai ia oe ra; e ua faahaamahia ratou e oe; no te mea ua vahavahahia ratou e te Atua.

6 Ahiri i noaa te ora o Iseraela no roto mai ia Ziona e! ia faahoˈi mai Iehova i to ˈna ra mau taata i riro ra, e fanaˈo Iakoba, e oaoa hoi Iseraela.