Salamo
Na te aratai o te feia himene. Masekila* a Davida na nia i te Mahalata.*
53 Te parau ra te feia maamaa i roto i to ratou aau:
“Aita e Iehova.”+
Mea piˈo e mea au ore roa ta ratou mau ohipa parau-tia ore.
Aita hoê e rave ra i te mea maitai.+
2 Tera râ, te hiˈo mai ra te Atua i te mau tamaiti a te taata nei mai te raˈi mai+
No te ite e feruriraa paari anei to ratou e te imi ra anei ratou ia Iehova.+
3 Ua hahi ê ratou paatoa.
Mea piˈo anaˈe ratou.
Aita hoê e rave ra i te mea maitai,
Aita hoê aˈe.+
4 Aita anei hoê noa ˈˈe taata ohipa ino e taa ra?
Te haavî nei ratou i to ˈu nunaa mai te amuraa faraoa te huru.
Aita ratou e tiaoro ra ia Iehova.+
5 E roohia râ ratou i te mǎtaˈu rahi,
Te mǎtaˈu o ta ratou i ore i roohia aˈenei,*
E haapurara hoi te Atua i te mau ivi o te feia e aro ra* ia oe.
E faahaama oe ia ratou, ua patoi hoi Iehova ia ratou.
6 Ia tae mai te faaoraraa o Iseraela mai Ziona mai!+
Ia faahoˈi mai Iehova i to ˈna nunaa o tei hopoi-tîtî-hia,
Ia oaoa ïa Iakoba e ia oaoa Iseraela.