Salamo

TE TAATA NO ZIPHA, TE HAMANI-INO-RAA MAI IA DAVIDA.

Na te Menasehe na nia i te Neginota. Masekila. E Salamo na Davida i te haereraa ˈtu to Zipha ra ia Saula, i te na ôraa ˈtu e, E ere anei o Davida tei faatapuni ia ˈna iho i ǒ matou ra?

54 E faaora mai oe ia ˈu, e te Atua, i to oe ra iˈoa, e faatia mai hoi oe ia ˈu i to oe ra puai. 2 E te Atua e, e faaroo mai i tau pure; e fariu mai to tariˈa i te parau a to ˈu nei vaha. 3 Ua tia mai hoi te mau taata ěê e rave ia ˈu, e te titau maira te feia hamani ino ra ia ˈu ia pohe: aore ratou i tuu i te Atua i mua ia ratou. Sela.

4 Inaha! o te Atua te tauturu mai ia ˈu: tei rotopu hoi te Fatu i te feia atoa tei faatia mai ia ˈu. 5 E faahoˈi mai i to ratou ino i nia i tau mau enemi; e ia tâpû-ê-hia ratou e oe, i ta oe ra parau mau. 6 E hopoi noa vau i te tusia ia oe; e haamaitai â vau i to oe ra iˈoa, e Iehova, e maitai hoi te reira; 7 ua faaorahia ra vau e ana i te mau ati atoa nei; e ua hiˈo vau i te poheraa o to ˈu nei mau enemi.