Salamo

E PURE NA DAVIDA, TE TIATURI RA OIA I TE AROHA O TE ATUA.

Na te Menasehe. E Salamo na Davida.

13 Mai te aha ra te maoro o to ˈu moeroaraa ia oe? mai te aha ra te roa o to hunaraa i to mata ia ˈu nei? 2 Mai te aha ra te maoro o to ˈu feruriraa i roto i to ˈu nei aau ma te oto i roto i to ˈu nei varua i te mau mahana atoa ra? mai te aha te maoro o to te enemi faateiteiraa i nia ia ˈu nei? 3 E haapao mai, e faaroo mai ia ˈu, e tau Atua, e Iehova: a haamaramarama mai i tau mata, a mairihia vau e te taoto ra o te pohe; 4 oi parau mai tau enemi e, Ua tupu tau hinaaro ia ˈna; oi oaoa tau enemi ia hopoi-ê-hia vau ra.

5 Te tiaturi nei au i te aroha no oe ra; e oaoa tau aau i te ora na oe ra; 6 e himene au ia Iehova, ua hamani maitai mai hoi oia ia ˈu.