Salamo

Na te aratai o te feia himene. Salamo a Davida.

13 Ehia maororaa, e Iehova, e haamoˈe ai oe ia ˈu? A muri noa ˈtu?

Ehia maororaa oe e huna ˈi i to aro ia ˈu?+

2 Ehia maororaa vau e haapeapea ˈi,

Ma te oto i roto i to ˈu aau i te mau mahana atoa?

Ehia maororaa to ˈu enemi e upootia ˈi i nia ia ˈu?+

3 A hiˈo mai ia ˈu e a pahono mai, e Iehova to ˈu Atua.

A horoa mai i te maramarama i to ˈu mata ia ore au ia taoto i roto i te pohe,

4 Ia ore to ˈu enemi ia parau: “Ua pau o ˈna ia ˈu!”

Eiaha to ˈu mau enemi ia oaoa i to ˈu hiˈaraa.+

5 O vau râ, te tiaturi nei au i to here taiva ore.+

E oaoa to ˈu aau i ta oe mau ohipa faaoraraa.+

6 E himene au ia Iehova, ua haamaitai rahi mai hoi oia ia ˈu.+