Te rata i to Ephesia
3 No reira o vau nei o Paulo tei mau i te fare tapearaa+ no te Mesia ra o Iesu e no to outou maitai te feia o te mau nunaa ěê . . . 2 Ua faaroo iho â outou e ua horoahia mai ia ˈu te hopoia e tauturu ia outou+ ia fanaˈo i te hamani maitai rahi o te Atua, 3 e e mea na roto i te hoê orama i faaitehia mai ai te parau huna moˈa ia ˈu, mai ta ˈu i papai poto atu ia outou. 4 E ia taio outou i te reira, e taa ia outou to ˈu maramarama i te parau huna moˈa+ o te Mesia. 5 I te mau uˈi i mairi, aita teie parau huna i faaitehia i te taata, mai tei faaitehia mai i teie nei e te varua moˈa i ta ˈna mau aposetolo moˈa e i te mau peropheta,+ 6 oia hoi e fatu atoa te feia o te mau nunaa ěê, tei hoê e te Mesia ra o Iesu na roto i te parau apî oaoa, i ta te Mesia i fatu, e e riro atoa ratou ei mero no te hoê â tino+ e e apiti ratou mai ia matou i te parau fafau a te Atua. 7 Ua riro vau ei tavini na teie parau huna moˈa ia au i te ô o te hamani maitai rahi o te Atua tei horoa-noa-hia mai ia ˈu na roto i te ohiparaa mai o to ˈna puai.+
8 Ua horoahia mai teie hamani maitai rahi ia ˈu nei+ tei iti roa i te feia moˈa atoa,+ e ia faaite au i te parau apî oaoa i te mau nunaa ěê no nia i te mau haamaitairaa faito ore a te Mesia 9 e ia ite te taata atoa i te tereraa ohipa o te parau huna moˈa+ tei hunahia mai te matamua mai â i roto i te Atua, o tei poiete i te mau mea atoa, 10 ia nehenehe te mau faatereraa e te huimana i te raˈi ia ite i teie nei, na roto i te amuiraa,+ i te rauraa o te paari o te Atua.+ 11 Ua au te reira i te opuaraa mure ore ta ˈna i manaˈo atea no nia i te Mesia+ ra o Iesu to tatou Fatu, 12 na roto hoi i to tatou faaroo i te Mesia e paraparau roa ˈi e e faafatata ˈi+ tatou i te Atua ra ma te tiaturi. 13 No reira, te ani atu nei au eiaha outou ia toaruaru, no to outou hoi maitai i faaruru ai au i te ati, ia haapopouhia hoi outou.+
14 . . . No reira, te tuturi nei au i mua i te Metua, 15 na ˈna i mairi i te iˈoa o te mau fetii atoa, to te raˈi e to te fenua. 16 Te pure nei au, na roto i te rahi o to ˈna hanahana, ia faaitoito oia ia outou i te taata o roto+ ra i te puai o to ˈna varua, 17 e na roto i to outou faaroo, ia parahi te Mesia i roto i to outou aau ma te here.+ Ia aˈahia+ outou e ia mau papu i nia i te niu,+ 18 ia taa maite ia outou e te feia moˈa atoa te aano e te roa e te teitei e te hohonu, 19 e ia ite i te here o te Mesia,+ tei hau ê i te ite, e ia noaa ia outou te mau huru maitatai atoa no ǒ mai i te Atua ra.
20 E teie nei, ei te Atua ra o te nehenehe e faatupu hau ê roa ˈtu i ta tatou e ani aore ra e manaˈo+ ia au i to ˈna puai o te ohipa ra i roto ia tatou,+ 21 ei ia ˈna te hanahana na roto i te amuiraa e na roto i te Mesia ra o Iesu i tera e tera uˈi e a muri noa ˈtu. Amene.