Ezekiela
19 “E himene oe i te tahi himene oto no nia i te mau raatira o Iseraela 2 e e parau oe:
‘Eaha to oe metua vahine? E maiaa liona i rotopu i te mau liona.
Ua parahi oia i rotopu i te mau liona apî puai e ua haapao i ta ˈna mau fanauˈa.
3 Ua haapao oia hoê o ta ˈna mau fanauˈa, e riro maira oia ei liona apî puai.+
Ua haapii oia e nafea ia hahae i te animara ta ˈna e aˈuaˈu,
Ua pau atoa ia ˈna te taata i te amuhia.
4 Faaroo aˈera te mau nunaa i to ˈna parau e haru aˈera ia ˈna i roto i te apoo.
E hopoihia ˈtura oia i te fenua o Aiphiti i te tarou.+
5 Tiai noa ˈtura te maiaa liona e taa ihora ia ˈna eiaha e tiaturi faahou e hoˈi mai oia.
Rave maira ïa oia i te tahi atu o ta ˈna mau fanauˈa e faariro atura ia ˈna ei liona apî puai.
6 Ua haere atoa oia na rotopu i te mau liona e ua riro mai ei liona apî puai.
Ua haapii oia e nafea ia hahae i te animara ta ˈna e aˈuaˈu, e ua pau atoa ia ˈna te taata i te amuhia.+
7 Ua hahaere oia na roto i to ratou mau pare faaetaetahia e ua haamou i to ratou mau oire,
A faaroo-noa-hia ˈi te haruru o to ˈna uuru+ i te fenua ano.
8 Haere maira te mau nunaa no te mau mataeinaa ati aˈe no te taora i ta ratou upeˈa i nia ia ˈna,
E haruhia ihora oia i roto i ta ratou apoo.
9 I te tarou to ratou tuuraa ia ˈna i roto i te tahi afata auri e hopoi aˈera ia ˈna i te arii no Babulonia.
Tapea ˈtura ratou ia ˈna i reira, ia ore to ˈna uuru ia faaroo-faahou-hia i nia i te mau mouˈa o Iseraela.
10 E au to oe metua vahine i te tahi tumu vine+ i roto i to oe toto,* tei tanuhia i te pae pape.
I hotu na oia e ua amaa-roa-hia no te rahi o te pape.
11 E amaa* paari to ˈna e tano no te mau sepeta a te feia faatere.
Tupu maira oia e rahi roa ˈtura i nia ˈˈe i te tahi atu mau tumu raau,
E itehia aˈera oia no to ˈna teitei e no te rahi o to ˈna mau amaa e rauere.
12 Iriti-tumu-hia ihora râ oia ma te riri,+ taorahia ˈtura i raro i te fenua,
E mǎrô ihora to ˈna hotu i te mataˈi no hitia o te râ.
Ofatihia aˈera to ˈna mau amaa paari e mǎrô aˈera,+ e pau aˈera te reira i te auahi.+
14 Parare aˈera te auahi mai to ˈna mau amaa* mai e pau aˈera to ˈna mau omou e to ˈna hotu,
E aita e amaa paari tei toe, aita e sepeta no te faatere.+
“‘Tera te hoê himene oto, e e himenehia te reira ei himene oto.’”