Ieremia
48 No Moabi,+ teie ta Iehova o te mau nuu,* te Atua o Iseraela, e parau ra:
“Ua ati o Nebo,+ ua haamouhia hoi oia!
Ua faahaamahia e ua haruhia o Kiriataima.+
Ua faahaamahia e ua vavahihia te haapuraa* papu.+
2 Eita o Moabi e arue-faahou-hia.
I Hesebona,+ ua opuahia to ˈna hiˈaraa:
‘Haere mai, e faaore anaˈe ia ˈna ei nunaa.’
O oe atoa, e Mademena, te tano e mamû,
Te apee noa ra hoi te ˈoˈe ia oe.
4 Ua vavahihia Moabi.
Te tutuô nei ta ˈna mau tamarii rii.
5 I te eˈa e pauma ˈi i Luhi, e taˈi noa te taata a pauma noa ˈi.
E ia pou mai ratou na Horonaima mai, e faaroo ratou i te tutuôraa ahoaho no te ati.+
6 A maue ê, a horo ê ia ora outou!
Ia riro outou mai te hoê tumu berusi i roto i te medebara.
7 No te mea te tiaturi ra oe i ta oe mau ohipa e ta oe pueraa taoˈa,
E haru-atoa-hia oe.
E e hopoi-ê-hia o Kemosa,+
E ta ˈna mau tahuˈa e to ˈna huiarii.
E mou te peho,
E e haamouhia te fenua papu,* mai ta Iehova iho â i parau.
9 A faatia i te hoê tapao purumu no te faaite ia Moabi i te eˈa,
Ia ano hoi oia, e maue ê to ˈna mau taata,
E e riro to ˈna mau oire ei riariaraa,
Aita e taata e parahi i roto.+
10 Ua ati te taata e rave i tei poroihia e Iehova ma te haapao ore!
Ua ati te taata e tapea i ta ˈna ˈoˈe eiaha e faatahe i te toto!
11 I ora noa na te ati Moabi ma te haafifi-ore-hia mai to ratou apîraa mai â,
Mai te uaina tei ore i titiahia te rito.
Aita ratou i niniihia mai te hoê farii i roto i te tahi atu,
E aita ratou i hopoi-ê-hia aˈenei.
No reira tera noa â to ratou momona,
E aita to ratou noˈanoˈa i taui.
12 “‘No reira,’ te parau ra Iehova, ‘inaha te haere mai ra te mau mahana e tono ai au i te taata no te faataahuri ia ratou. E faataahuri taua mau taata ra ia ratou e e hopoi ê i ta ratou mau farii, e e vavahi ratou i ta ratou mau farii rahi. 13 E haama te ati Moabi ia Kemosa, mai te nunaa o Iseraela e haama ia Betela, te vahi hoi ta ratou i tiaturi na.+
14 E nafea oe e nehenehe ai e parau: “E aito puai matou, tei ineine no te aroraa”?’+
15 ‘Ua vavahihia o Moabi,
Ua tomohia to ˈna mau oire,+
E ua haapohehia to ˈna mau tane apî puai roa ˈˈe,’+
Te parau ra te Arii, o Iehova o te mau nuu+ to ˈna iˈoa.
17 Pauroa to ati aˈe ia ratou te aumauiui ia ratou,
Pauroa tei ite i to ratou iˈoa.
A parau ia ratou: ‘Auê, ua fati te raau puai, te raau o te nehenehe!’
18 A pou mai i raro i to oe hanahana,
A parahi a poihâ noa ˈi,* e te tamahine e faaea ra i Dibona,+
Ua tae mai hoi tei haamou ia Moabi e aro ia oe,
E e faaano oia i to oe mau vahi auahia i te patu.+
19 A tia i pihai iho i te purumu e a hiˈo, oe e parahi ra i Aroera.+
A ui i te tane e maue ê ra e i te vahine e horo ê ra: ‘Eaha tei tupu?’
20 Ua faahaamahia e ua haamehamehahia Moabi.
A autâ e a tuô.
A faaite i Aranona+ e ua haamouhia Moabi.
21 “Ua tae mai te haavaraa i te fenua papu,*+ i nia ia Holona, Iahaza+ e Mephaata,+ 22 i nia ia Dibona,+ Nebo+ e Bete-dibilataima, 23 i nia ia Kiriataima,+ Bete-gamula e Bete-meona,+ 24 i nia ia Keriota+ e ia Bozara, e i nia i te mau oire atoa o te fenua o Moabi, to te atea e to pihai iho.
26 ‘A faataero ia ˈna i te ava,+ ua faateitei hoi oia ia ˈna i nia ˈˈe ia Iehova.+
Te taaviri ra Moabi i roto i to ˈna pihaˈe,
E ua riro oia ei faaoooraa.
27 E ere anei Iseraela i te faaoooraa na oe?+
No rotopu anei i te feia eiâ te iteraahia oia,
E tairiiri ai oe i to oe upoo a faaino atu ai ia ˈna?
28 A faarue i te mau oire e a ora i nia i te mato, outou e parahi ra i Moabi,
E ia riro outou mai te hoê uupa e ofaa ra na te taha afaa.’”
29 “Ua faaroo matou i te teoteo o Moabi, mea faateitei roa,
To ˈna faaoru, to ˈna teoteo, to ˈna ahaaha e to ˈna aau faateitei.”+
30 “‘Ua ite au i to ˈna iria,’ te parau ra Iehova,
‘Eita râ ta ˈna mau parau faufaa ore e tupu.
Eita to Moabi e rave i te tahi ohipa.
31 No reira vau e autâ ˈi ia Moabi,
E auê hoi au ia Moabi taatoa
E e oto vau no te mau taata no Kira-herese.+
Ua na nia ta oe mau amaa ruperupe i te miti.
Ua tae ratou i nia i te miti, i Iazera.
I nia i ta oe mau maa hotu o te tau auhune e ta oe mau vine o te tau ootiraa
Ua tae atu tei haamou.+
Ua tapea vau i te uaina ia manii ê mai i te taataahiraa vine.
Aita e taata e taataahi ma te reo umere.
E reo ê râ te faaroohia.’”+
34 “‘Te faaroohia ra te hoê tutuôraa mai Hesebona+ haere roa i Eleale.+
E faateitei ratou i to ratou reo haere roa i Iahaza,+
Mai Zoara tae roa i Horonaima+ haere roa i Egelata-selisia.
E mǎrô atoa te mau pape o Nimirima.+
35 E haamou vau i Moabi,’ te parau ra Iehova,
‘I tei hopoi mai ra i te ô i nia i te vahi teitei
E tei pûpû ra i te tusia i to ˈna atua.
36 No reira to ˈu aau e oto* ai ia Moabi mai te hoê vivo,*+
E to ˈu aau e oto* ai i te mau taata no Kira-herese mai te hoê vivo.*
E mou hoi te faufaa ta ˈna i faatupu.
38 “‘I nia i te mau tapoˈi fare atoa o Moabi
E i te mau mahora atoa o to ˈna mau oire,
E auê noa te faaroohia.
Ua vavahi hoi au ia Moabi
Mai te hoê farii faaruehia,’ te parau ra Iehova.
39 ‘A hiˈo na ia ˈna i te mehameha e! A auê!
A hiˈo na i to Moabi huri-tua-raa no te haama!
Ua riro o Moabi ei faaoooraa,
Ei riariaraa no to ati aˈe atoa ia ˈna.’”
40 “Teie hoi ta Iehova e parau ra:
41 E haruhia te mau oire,
E e haruhia to ˈna mau pare.
I tera mahana, e riro te aau o te mau aito o Moabi
Mai te aau o te hoê vahine e fanau ra.’”
42 “‘E e haamouhia Moabi, e ere faahou ïa oia i te hoê nunaa,+
Ua faateitei hoi oia ia ˈna+ i nia ˈˈe ia Iehova.
43 O te mehameha, te apoo e te marei to mua ia oe,
Oe e parahi ra i Moabi,’ te parau ra Iehova.
44 ‘Te taata atoa o te horo ê i te mehameha, e topa ïa i roto i te apoo,
E te taata atoa o te haere mai i rapae i te apoo, e mau ïa i roto i te marei.’
‘E faatae hoi au i nia ia Moabi i te matahiti o to ratou faautuaraa,’ te parau ra Iehova.
45 ‘I te marumaru o Hesebona e tia ˈi ma te puai ore te feia tei maue ê.
E auahi hoi te na roto mai ia Hesebona
E e ura auahi te na roto mai ia Sihona.+
E paapaa te rae o Moabi i te reira
E te apu upoo o te mau tamaiti a te faahuehue.’+
46 ‘Ua ati oe, e Moabi!
Ua mou te nunaa o Kemosa.+
Ua hopoi-tîtî-hia hoi ta oe mau tamaiti,
E ua hopoi-ê-hia+ ta oe mau tamahine.
47 E haaputu râ vau i te mau tîtî o Moabi i te pae hopea o te mau mahana,’ te parau ra Iehova.
‘I ǒ nei e hope ai te faautuaraa a Moabi.’”+