Ieremia
15 Parau maira Iehova ia ˈu: “Noa ˈtu o Mose raua Samuela te tia i mua ia ˈu,+ eita vau e hamani maitai* i teie nunaa. A faaatea ˈtu ia ratou mai mua ia ˈu. Ia haere atu ratou. 2 E ia parau mai ratou ia oe: ‘Ia haere matou ihea?,’ e pahono oe ia ratou: ‘Teie ta Iehova e parau ra:
“Tei faataahia no te ati pohe, i te ati pohe!
Tei faataahia no te ˈoˈe, i te ˈoˈe!+
Tei faataahia no te oˈe, i te oˈe!
E tei faataahia no te faatîtîraa, i te faatîtîraa!”’+
3 “‘E e maha ati*+ ta ˈu e faatae i nia ia ratou,’ te parau ra Iehova, ‘te ˈoˈe no te haapohe, te urî no te tari i to ratou mau tino pohe, te mau manu o te raˈi e te mau animara o te fenua no te amu haapau e no te haamou i te toe mai.+ 4 E e faariro vau ia ratou ei riariaraa no te mau faatereraa arii atoa o te fenua nei+ no Manase te tamaiti a Hezekia, te arii o Iuda, no ta ˈna i rave i Ierusalema.+
5 O vai te aumihi ia oe, e Ierusalema,
O vai te aumauiui ia oe,
E o vai te faaea i te ani eaha to oe huru?’
6 ‘Ua taiva oe ia ˈu,’ te parau ra Iehova.+
‘Te huri tua noa nei oe ia ˈu.*+
E toro ïa vau i to ˈu rima e tairi e e haamou ia oe.+
Ua fiu roa vau i te aroha ia oe.*
7 E e hue au ia ratou i nia, i te patia, i te mau uputa o te oire.
E faaere au ia ratou i te tamarii.+
E haamou vau i to ˈu nunaa,
Inaha aita ratou e hinaaro ra e faarue i to ratou haerea.+
8 E riro ta ratou mau vahine ivi ei mea rahi aˈe i mua ia ˈu i te one o te moana.
E faatae au i te hoê taata haamou no te tairi ia ratou i te avatea, te mau metua vahine e te mau tane apî.
E faatae taue au i te arepurepu e te mehameha i nia ia ratou.
Ua topa to ˈna mahana a ao noa ˈi,
A tupu atu ai te haama e te faahaamaraa.’*
‘E tera mau taata rii e toe ra
O ta ˈu ïa e tuu i te ˈoˈe a to ratou mau enemi,’ te parau ra Iehova.”+
10 Ua ati au, e to ˈu metua vahine, no te mea ua fanau oe ia ˈu,+
E taata o te tatamaˈi e o te mârô e te feia atoa o teie fenua.
Aita vau i tipee atu aore ra i tipee mai.
Te faaino ra râ ratou pauroa ia ˈu.
11 Ua parau Iehova: “E turu mau â vau ia oe.
E riro mau â vau ei arai no oe i te taime ahoaho,
I roto i te ati i mua i te enemi.
12 E nehenehe anei hoê taata e ofatifati i te auri,
Te auri no apatoerau, e te veo?
13 E horoa vau i ta oe mau faufaa e taoˈa ei taoˈa haruhia,+
E ere i te mea hoo atu, no ta oe râ mau hara atoa i rave na to oe mau tuhaa fenua atoa.
Ua ama hoi te tahi auahi i to ˈu riri,
E te ura ra te reira ia pau outou.”+
15 Ua ite oe i to ˈu hepohepo, e Iehova.
A haamanaˈo e a haapao mai ia ˈu.
A tahoo ia ˈu i te feia e hamani ino ra ia ˈu.+
Eiaha e faataere i te riri, a pohe au ia ratou.*
Ia ite mai oe e no oe au e faahapahia ˈi mai teie.+
16 Ua itehia mai ta oe mau parau, e ua amu vau i te reira.+
E ua riro ta oe parau ei popouraa e ei oaoaraa no to ˈu aau,
Ua topahia hoi au i to oe iˈoa, e Iehova te Atua o te mau nuu.*
17 Eita vau e parahi e te feia e arearea e e oaoa noa.+
18 No te aha e vai noa ˈi to ˈu mauiui e e ore ai to ˈu pepe e ora?
Eita to ˈu pepe e hinaaro e ora.
E riro anei oe no ˈu mai te hoê puna pape haavarevare
O te ore e nehenehe e tiaturihia?
19 No reira, teie ta Iehova e parau ra:
“Ia hoˈi mai oe, e faaora ïa vau i to oe pepe,
E e tia oe i mua ia ˈu.
Ia faataa oe i te mau mea faufaa i te mau mea faufaa ore,
E riro oe mai to ˈu iho vaha.*
E fariu mai iho â ratou ia oe,
Eita râ oe e fariu atu ia ratou.”
20 “Te faariro nei au ia oe ei patu veo haapaarihia i rotopu i teie nunaa.+
E aro mau â ratou ia oe,
Eita râ ratou e upootia i nia ia oe,*+
Tei pihai iho hoi au ia oe, no te faaora ia oe,” te parau ra Iehova.
21 “E e faaora vau ia oe i te rima o te feia ino
E e hoo mai au ia oe i te apu rima o te feia aroha ore.”