Salamo

 2 E haere anaˈe i mua ia ˈna ma te haamauruururaa.+

E himene anaˈe a huro ai ia ˈna.

 3 E Atua rahi hoi Iehova,

E Arii rahi i nia i te mau atua atoa.+

 4 Tei roto i to ˈna rima te mau vahi hohonu o te fenua.

Na ˈna te mau mouˈa teitei.+

 5 Te miti, ta ˈna iho i hamani, na ˈna ïa,+

E na to ˈna rima i hamani i te fenua.+

 6 Haere mai, e haamori anaˈe a tipapa ˈtu ai.

E tuturi anaˈe i mua ia Iehova Tei hamani ia tatou.+

 7 O ˈna hoi to tatou Atua,

E o tatou te nunaa o ta ˈna aua,

Te mau mamoe ta ˈna e aupuru ra.*+

I teie mahana, ia faaroo outou i to ˈna reo,+

 8 Eiaha e faaetaeta i to outou aau mai i Meriba,*+

Mai i te mahana o Mâsa* i roto i te medebara,+

 9 I te tamataraa to outou mau tupuna ia ˈu.+

Ua tamata ratou ia ˈu, noa ˈtu e ua ite ratou i ta ˈu mau ohipa.+

“E nunaa teie e aau faaroo ore noa to ratou,

Aita ratou i ite i to ˈu mau eˈa.”