Salamo
Na te aratai o te feia himene. Salamo a Davida.
40 Ua tiaturi papu vau* ia Iehova,
E ua fariu mai oia i to ˈna tariˈa* ia ˈu ra e ua faaroo i ta ˈu aniraa i te tauturu.+
2 Ua tatara oia ia ˈu mai raro mai i te hoê apoo uuru ra,
Mai roto mai i te vari paruparu.
E ua faatia oia i to ˈu avae i nia i te hoê mato.
Ua haapapu oia i to ˈu taahiraa avae.
Mea rahi te hiˈo ma te mǎtaˈu faatura
A tuu atu ai i to ratou tiaturiraa ia Iehova ra.
4 E oaoa te taata o te tiaturi ia Iehova
E o te ore e fariu i te feia orure hau ra e te feia haavare.
5 Ehia ohipa ta oe i rave,
E Iehova to ˈu Atua,
Ta oe mau ohipa faahiahia e to oe mau manaˈo ia matou nei.+
Aita e nehenehe e faaau ia oe i te tahi atu.+
Ia tamata vau i te faaite e i te paraparau no nia i te reira,
No te rahi, eita e pau ia faaite!+
Aita oe i ani i te tusia taauahi e te tusia no te hara.+
7 Na ô atura vau: “Inaha, ua haere mai au.
No ˈu te parau i papaihia i roto i te otaro.*+
9 Te faaite ra vau i te parau apî oaoa o te parau-tia i roto i te amuiraa rahi.+
Inaha, aita vau e tapea ra i to ˈu vaha,+
E Iehova, ua ite oe i te reira.
10 Aita vau e huna ra i to parau-tia i roto i to ˈu aau.
Te faaite nei au i to haapao maitai e to faaoraraa.
Aita vau e huna ra i to here taiva ore e to parau mau i roto i te amuiraa rahi.”+
11 E Iehova, eiaha e patoi i to aroha hamani maitai ia ˈu nei.
Ia tiai noa to here taiva ore e to parau mau ia ˈu.+
12 Mea rahi roa ia taio i te mau ati e haaati ra ia ˈu.+
Mea rahi roa ta ˈu mau hape, aita vau e ite faahou ra e nahea ia haere.+
Mea rahi aˈe ratou i te rouru o to ˈu upoo,
E ua ere roa vau i te itoito.
13 E Iehova, te taparu nei au ia oe ia faaora ia ˈu.+
E Iehova, a tauturu oioi mai ia ˈu.+
14 Ia haama e ia faahaamahia
Te feia atoa o te imi ra i te rave i to ˈu ora.
Ia otohe ma te haama
Te feia o te oaoa ra i to ˈu ati.
15 Te feia o te faaooo ra ia ˈu a parau ai: “Tera ta oe!”
Ia riaria ratou no to ratou iho haama.
Ia parau noa te feia e hinaaro ra i ta oe mau ohipa faaoraraa:
“Ia faahanahanahia Iehova.”+
17 Mea paruparu râ vau e mea veve.
Ia tâuˈa mai Iehova ia ˈu.