Salamo
Na te aratai o te feia himene, na Iedutuna.*+ Salamo a Davida.
E tapea vau i to ˈu vaha i te hoê tavaha+
Tei mua anaˈe te feia ino ia ˈu.”
2 Ua mamû vau e aita vau i maniania.+
Ua faaea muhu ore noa vau, oia atoa no nia i te mea maitai,
Mea uˈana râ to ˈu mauiui.
3 Mahanahana aˈera to ˈu aau i roto ia ˈu.
A feruriruri* ai au, te ama noa ra te auahi.
E parau atura to ˈu vaha:
4 “E Iehova, a tauturu mai ia ˈu ia ite i to ˈu hopea,
E te rahiraa o to ˈu mahana,+
Ia ite au i te poto o to ˈu oraraa.
5 Inaha, ua faaiti oe i to ˈu mau mahana.+
E au ra e aita e haapaoraa te maoro o to ˈu oraraa i mua ia oe.+
Oia mau, e aho noa te taata, noa ˈtu e au ra e te tia papu ra oia.+ (Sela)
6 Oia mau, te haere nei te taata mai te hoê ata.
Te horo* faufaa ore noa ra oia.
Te haaputu nei oia i te faufaa ma te ore e ite o vai te fanaˈo i te reira.+
7 Eaha ïa ta ˈu e tiaturi, e Iehova?
O oe anaˈe hoi ta ˈu tiaturiraa.
8 A faaora ia ˈu i ta ˈu mau hapa atoa.+
Eiaha e vaiiho i te taata maamaa ia faariro ia ˈu ei vahavaharaa.
10 A tatara i ta oe utua mai nia mai ia ˈu.
Ua paruparu roa vau no to rima e tairi ra ia ˈu.
11 Te aˈo nei oe i te taata ma te faautua ˈtu no ta ˈna hara.+
Te haapau ra oe mai te hoê manumanu i te mau mea ta ˈna e haafaufaa.
Oia mau, e aho noa te taata.+ (Sela)
Eiaha e tapo i to mata i to ˈu roimata.
13 Eiaha e hiˈo ia ˈu ma te riri, ia nehenehe au e itoito mai
A pohe atu ai.”