Sɛnea Wobɛte Ntotoho a Ɛwɔ Bible Mu No Ase

Ntotoho pii wɔ Bible mu. Nanso wɔn a wɔkenkan Bible no pii wɔ hɔ a, ɛyɛ den ma wɔn sɛ wɔbɛte ntotoho a ɛtete saa no ase. (Mat. 13:13) Dɛn na ɛbɛboa wo ma woate ntotoho a ɛwɔ Bible mu no ase yiye anaa woahu nea ɛkyerɛ paa? Sɔ akwan a edidi so yi hwɛ:

• Bɔ mmɔden hu nea wɔreka ho asɛm ne nea wɔde retoto ho no. Yɛbɛyɛ nhwɛso a, Adiyisɛm 3:3 de Yesu mmae toto ɔkorɔmfo ho. Enti Yesu mmae no ne nea wɔreka ho asɛm, na nea wɔde toto ho no ne ɔkorɔmfo.

• Nea wɔreka ho asɛm ne ntotoho no, bɔ mmɔden hu nsɛdi a ɛwom, ne nea enti a ntotoho no fata.

• Bɔ mmɔden hwɛ sɛ ntease a ɛwom no, saa ntease no ara na woanya no anaa. Nneɛma a wɔde reyɛ ntotoho no, anhwɛ a ebetumi ama woanya ntease foforo koraa. Yɛhwɛ ntotoho a ɛwɔ Adiyisɛm 3:3 no sei a, ɛnyɛ sɛ Yesu rebewia biribi, mmom nea ɛreka ho asɛm no ma yehu sɛ, sɛnea ɔkorɔmfo reba a ɔmmɔ nkae no, saa ara na Yesu mmae no nso bɛyɛ.