Nea Ɛbɛboa Yɛn Ama Yɛama Mmuae a Ɛhyɛ Nkuran

Sɛ yɛkɔ adesua a, yɛn mu biara wɔ hokwan sɛ ɔma mmuae de hyɛ ne nuanom nkuran. (Heb. 10:​24, 25) Dɛn na ɛbɛboa yɛn ama yɛatumi ama mmuae a ɛbɛhyɛ afoforɔ nkuran?

• Bɔ Yehowa mpae. Srɛ no sɛ ɔmmoa wo na ma mmuae a ɛbɛhyɛ no anuonyam, na ahyɛ afoforɔ nso nkuran.—Dw. 35:18.

• Fa yɛ wo botae sɛ worenkenkan mmuae no mfi nwoma no mu tee. Sɛ wode wo ara wo nsɛm ma mmuae a, ɛbɛhyɛ afoforɔ den na ɛbɛma wɔahu sɛ wowɔ Yehowa mu gyidi.

• Ma wo mmuae nyɛ tiawa. Sɛ wokɔ adesua na woma mmuae ntiantiaa a emu da hɔ a, ɛka afoforɔ koma paa. Afei nso, ɛma nnipa pii nya kwan kasa.—Mmeb. 10:19.

• Ma wo mmuae nhyɛ afoforɔ den. Sɛ worema mmuae a, mfa ntu anuanom fo anaa mfa ntwi wɔn anim.

Sɛ woma wo nsa so na yɛamfrɛ wo mpo a, wubetumi ahyɛ afoforɔ nkuran. Wobɛyɛ no sɛn? Sɛ obi rema mmuae a, yɛ aso tie na akyiri yi woakamfo no.—Mmeb. 10:21.