So Wiase Yi Bɛkɔ so Atra Hɔ?

Saa asemmisa a ɛtwe adwene no yɛ kratawa bi a Yehowa Adansefo kyekyɛ asɛmti. Afe a etwaam no, obi a ɔte Washington, D.C., nsa kaa saa kratawa yi bi na ɔkae sɛ ɛkanyan n’anigye. Ɔkyerɛwee sɛ:

“Ɛda adi pefee ma obiara a ɔte yɛn man yi ahenkurow yi mu hu sɛ wiase no redu n’awiei ampa. Northern Ireland, kan Yugoslavia, kan Soviet Union adehyeman ahorow no nyinaa di esum ne nitan a wiase yi wom no ho adanse. Afiase a abu so, yaredɔm afoforo a ɛne nsamanwaw ne yare bi a wɔfrɛ no black death nyinaa di asɛm a moka wɔ kratawa no mu no ho adanse.”

Ɔbarima no kae sɛ: “Mesrɛ mo mommrɛ me nsɛm a ɛfa mo adwenkyerɛ a ɛda nsow no ne ofie Bible adesua a moyɛ a munnye hwee no ho.”

Yehowa Adansefo dan nkurɔfo adwene kɔ nea Bible no ka fa adesamma daakye ho so. Sɛ wopɛ sɛ wo nsa ka kratawa a yɛabɔ din wɔ atifi hɔ no bi anaa wopɛ sɛ wɔne wo yɛ ofie Bible adesua a wuntua hwee a, yɛsrɛ wo kyerɛw Watch Tower Society, P. O. Box 760, Accra, anaa address a wɔahyehyɛ wɔ kratafa 5 no mu nea ɛfata.