“Yehowa Adansefo Da”

YEHOWA ADANSEFO ani gye ho sɛ wɔn mu bebree bɛbom ahyiam mpɛn pii wɔ afe no mu. Wohyiam sua Onyankopɔn ne ne trenee nnyinasosɛm ahorow ho ade. Nhyiam horow yi nso yɛ hokwan ahorow a eye kyɛn so a wɔde hyɛ wɔne mfɛfo Kristofo ntam fekubɔ ho nkuran.​—Hebrifo 10:24, 25.

Nkɛntɛnso bɛn na Adansefo kuw akɛse a wɔyɛ ahɔho yi nya wɔ nkurow a wɔpaw ma nhyiam horow yi so? Ɛyɛ nokware sɛ ɛboa ɛhɔnom sikasɛm. Nanso nkɛntɛnso a ɛne “wɔn honhom mu ahofama ne ɔpɔw ho nhwɛso” a Gainesville, Georgia, a ɛwɔ U.S.A. sohwɛfo kae wɔ mpaemuka bi a ɔde mae no mu nso wɔ hɔ.

Aban krataa no fã bi se: “ESIANE SƐ, sɛ wɔkyekyem pɛpɛɛpɛ a, Yehowa Adansefo hyia wɔ Georgia Mountains Center adapɛn awiei 14 afe biara wɔ mfe 11 a atwam yi mu, na sɛ wɔkyekyem pɛpɛɛpɛ a, nnipa a wohyiam wɔ nhyiam biara ase yɛ nnipa 2,200 nti; akyinnye biara nni ho sɛ . . . ’Adansefo kuw kɛse’ yi ada adanse a ɛkanyan gyidi ne ahofama adi akyerɛ wɔn a wɔahu no nyinaa:

AFEI, EYI NTI, Me, Emily D. Lawson, Gainesville Kuropɔn Sohwɛfo, nam eyi so tu Memeneda, November 23, 1991, si hɔ sɛ ‘YEHOWA ADANSEFO DA’ wɔ Gainesville; de to nsa frɛ ɔmanfo sɛ wonnye ahɔho yi ntom na wɔmfa anigye mma wɔn akwaaba, na wonsuasua wɔn honhom mu ahofama ne ɔpɔw nhwɛso no wɔ hokwan biara a wobenya wɔ dapɛn yi awiei ne daakye mu.”