Bere A Mmɔborohunu Yera

Sɛ mmɔborohunu yera a, na hwee mfa nnipa ho bio. Wonni nkate. Thelma Qualls koma gyaee bɔ mpɛn asia bere a ɔda osu a ɛretɔ mu wɔ Richmond, Virginia Abɔnten Kwan Kɛse no so. Doug Waldrop bɔɔ mmɔden maa n’ani so tetew no mpɛn asia. Ɔtraa ne nkyɛn simma 50 a mfirikafo ɔhaha pii a wɔapɔn adwuma twa wɔn ho kɔ fie a wobu wɔn ani gu kyɛw a ɔpa wɔn sɛ obi nnyina na ɔmmoa anaasɛ ɔmfrɛ ayaresabea mfiri mma wɔn no so. Thelma wui. Nanso nnuruyɛfo no kyerɛ sɛ sɛ Thelma duu ayaresabea hɔ ntɛm kakra a anka obetumi anya nkwa.

“Anisoadehu nni hɔ a, ɔman yɛ bisibasaa, nanso nea obu mmara no, nhyira ne no.”​—Mmebusɛm 29:18.

“Ade biara a mopɛ sɛ nnipa nyɛ mma mo no, mo nso monyɛ wɔn saa ara.”​—Mateo 7:12.

“Enti, sɛ eyinom nyinaa bɛsɛe a, nnipa bɛn na ɛsɛ sɛ moyɛ wɔ abrabɔ kronkron ne Onyamesom pa mu.”​—2 Petro 3:11.