Srade Ne Koma No

Wɔkaa nea wɔfrɛ no Aman Ason Adesua a ɛfa sɛnea srade a ɛwɔ aduan mu ka koma no ho asɛm wɔ England nsɛmma nhoma Lancet mu nnansa yi. Mfe 10 adesua a wɔyɛ faa mmarima 12,000 a wofi Europa aman horow anum so, Japan ne Amerika ho, nam amanneɛbɔ so daa no adi sɛ asiane a ɛwɔ nnuan a srade pii wom ne owu a komayare de ba wɔ biribi yɛ. Sɛnea amanneɛbɔ no kyerɛ no, adanse wɔ hɔ sɛ “ɛnyɛ sɛ srade ankasa a wodi ma srade dɔɔso wɔ mogya mu nko, na mmom etumi ma owu a ɛba ntɛm kɔ anim.” Wohui sɛ mmarima a wodi nnuan a srade nni mu pii no nnya nyarewa afoforo te sɛ akisikuru. Nnwuma ahorow a wɔtɔn nam, wɔyɛ nufusu, butter (buturu) , ne cheese (keesu) ho adwuma ne nnipa binom a wɔwɔ ho nimdeɛ akyerɛ sɛ nnuan a srade pii wom ne komayare nni hwee yɛ.