Bere A Nnuruyɛfo Pow Sɛ Wɔrenyɛ Adwuma

Wɔ nhoma bi a wɔyɛɛ no 1979 mu no mu no, Dr. Robert S. Mendelsohn twe adwene kɔ nokwasɛm a ɛyɛ sɛ, wɔ nnafua 52 a nnuruyɛfo powee sɛ wɔrenyɛ adwuma 1976 mu wɔ Bogatã, Colombia, a apirafo anaa wɔn a biribi reyɛ wɔn mpofirim nko na wɔhwɛɛ wɔn kakraa mu no, nnipa dodow a wowu no kɔɔ fam ɔha mu 35. Wɔ Los Angeles no, nnipa a wowu no dodow kɔɔ fam ɔha mu 18 bere a nnuruyɛfo powee sɛ wɔrenyɛ adwuma afe koro no ara mu no. Na wɔ Israel, 1973 mu no, nnipa a wowu no dodow kɔɔ fam ɔha mu 50 bere a nnuruyɛfo tew mpɛn dodow a wɔkɔsrasra ayarefo da biara da no so bosome biako no. Dɛn no ɛkyerɛ? Dr. Menhelsohn susuw sɛ nnipa pii wɔ hɔ a sɛ wogyae nnuru bebrebe a wɔnom no a, ebeye ama wɔn.