Mmebusɛm
29 Onipa a wɔtaa kasa kyerɛ no+ a osen ne kɔn no,+ obebu mpofirim, na ɔrennya ayaresa.+
2 Treneefo dɔɔso a, ɔman di ahurusi;+ na ɔdebɔneyɛfo di so a, ɔmanfo si apini.+
3 Onipa a ɔdɔ nyansa ma ne papa di ahurusi,+ na nea ɔne nguaman bɔ no sɛe ade.+
4 Ɔhene de atɛntrenee na ɛma ɔman gyina,+ na onipa a ogyigye adanmude dwiriw gu.+
5 Ɔbarima a ɔdɛfɛdɛfɛ ne yɔnko+ no gu n’anammɔn asau.+
6 Ɔbɔnefo mmarato mu wɔ afiri,+ na ɔtreneeni to ahurusi dwom na n’ani gye.+
7 Ɔtreneeni nim abrɛfo asɛm.+ Ɔdebɔneyɛfo de, saa nimdeɛ no mfa ne ho.+
8 Ahohoahoafo sɔ kurow mu gya,+ na anyansafo sianka abufuw.+
9 Onyansafo a ɔne ɔkwasea di asɛm—ne bo fuw na ɔserew, na ɔhome nnim.+
10 Mogyapɛfo tan pɛyɛfo;+ na teefo de, wɔhwehwɛ yiyedi ma obiara kra.+
11 Ɔkwasea yi n’abufuw nyinaa adi, na onyansafo dwudwo ne de kosi ase.+
12 Sɛ sodifo tie atosɛm a, n’asomfo nyinaa bɛyɛ nnebɔneyɛfo.+
13 Ohiani ne nhyɛsofo ahyia;+ na Yehowa na ɔma wɔn nyinaa aniwa hu hann.+
14 Sɛ ɔhene bu abrɛfo atɛn nokware mu+ a, n’ahengua betim daa.+
15 Abaa ne ɔkasakyerɛ na ɛma nyansa,+ na ɔba a wɔato no asaworam hyɛ ne maame aniwu.+
16 Sɛ nnebɔneyɛfo dɔɔso a, mmarato bu so; na treneefo na wobehu wɔn asehwe.+
17 Hwe wo ba, na ɔbɛma woahome, na wo kra anya anigye bebree.+
18 Anisoadehu nni hɔ a, ɔmanfo yɛ nea wɔpɛ,+ na anigye ne wɔn a wɔkora mmara so.+
19 Akoa rentie kasakyerɛ;+ ɔte ase, nanso ɔmfa nyɛ hwee.+
20 Woahu onipa a ɔpere ne ho wɔ kasa mu?+ Anidaso wɔ hɔ ma ɔkwasea sen no.+
21 Sɛ obi gyigye n’akoa so fi ne mmofraase a, akyiri nna mu no ɔbɛyɛ bonniayɛfo.
22 Obufufafo hwanyan ntɔkwaw mu,+ na obiara a ne koko haw no mmarato dɔɔso.+
23 Ɔdesani ahantan na ɛbɛbrɛ no ase,+ na nea ne honhom dwo no benya anuonyam.+
24 Nea ne yɔnko ne ɔkorɔmfo no tan n’ankasa kra.+ Efisɛ ɔte ntanka, nanso ɔmmɛka hwee.+
25 Onipa ho suro sum afiri,+ na nea ɔde ne ho to Yehowa so no, obenya ahobammɔ.+
26 Nnipa pii na wɔkɔ sodifo anim,+ nanso Yehowa na obu onipa atɛn.+
27 Ɔtreneeni akyide ne nea onni asɛntrenee,+ na ɔdebɔneyɛfo akyide ne nea ɔteɛ wɔ n’akwan mu.+