Okuhikiriza Kurungi Obuheereza Bwaitu​—Kuhika ha Buli Muntu omu Kicweka Kyaitu eky’Okutebezaamu

HABWAKI KIKURU: Nabbi Zakaliya akaranga ngu abantu kuruga omu ndimi zoona ez’amahanga bakwikiriize amakuru amarungi kuruga hali Ruhanga. (Zak. 8:23) Baitu n’oha asemeriire kubatebeza? (Bar 10:13-15) Twine omugisa n’obujunanizibwa obw’okutebeza amakuru amarungi hali abantu boona abali omu kicweka kyaitu ekitutebezaamu.​—od-E 84 ¶10-11.

OMULINGO GW’OKUKIKORAMU:

• Tekaniza kurungi. Okira kusanga abantu abarukubaza endimi zindi? N’osobora kukozesa puroguraamu ya JW Language kwega enyanjura ey’osobora kukozesa kubaza n’abo. Rundi kozesa esiimu yawe kwoleka omuntu omulingo asobora kumanya ebirukukiraho ebiri omu rulimi rwe ebinyakuli ha jw.org

• Ba bulindaara. Obworaaba n’okora nju ha nju, tebeza n’aboratangana omu muhanda hamu n’abo abali omu motoka ezemeriire. Kandi obworaaba oli omu kutebeza kw’omu rwijwire, otaikiriza ekintu ekindi kyona kukuhugura kukwiha ha kigendererwa kyawe eky’okutebeza

• Wekambe. Lengahoga kugarukirayo abo abawasangire batali omu maka gaabo. Wekambe kuhika ha buli ka yoona, kandi kinu n’osobora kukikora obwire bwona rundi ekiro ekindi kyona omu wiiki. Kusobora kuhikaho abantu abamu nikiija kutwetagisa kutebeza nitukozesa amabbaruha, amasimu, rundi kubasanga omu kutebeza okwa ha muhanda

• Gumizaamu n’omu konyera. Garukayo omu bwangu kusobora kumukonyera. Omuntu obwaraaba nabaza orulimi rundi, mutungire omuntu aramukonyera arukubaza orulimi rwe. Gumizaamu n’ogarukayo kuhikya obworatunga omuntu aramukonyera arukumanya orulimi rwe.​—od-E 94 ¶39-40

MUROLE VIDIYO “KUTEBEZA AMAKURU AMARUNGI OMU BIIKARO EBY’EMPERO Z’ENSI,” HANYUMA MUGARUKEMU EBIKAGUZO BINU:

• 

  Ab’oruganda bakakora ki kusobora kuhika h’abantu abali omu kicweka ekitakira kutebezebwamu? (1Kol 9:22, 23)

• 

  Bizibu ki ebi barabiremu?

• 

  Migisa ki ei batungire?

• Kiki eky’osobora kukora kukonyera abantu abali omu biikaro ebimutakira kutebezaamu?