Okuhikiriza Kurungi Obuheereza Bwaitu—Kutebeza Omuntu Atamanyire Orulimi Rwaitu

Habwaki Kiri Kikuru: Yahwe n’agonza abantu ba buli “ihanga lyona lyona” kumanya amananu. (Eng. 10:34, 35) Nikyo Yesu yagambire ngu amakuru amarungi galitebezebwa “omu nsi zona” hali “amahanga gona.” (Mat. 24:14) Zakaliya akaragura ngu abantu “abomundimi zona ezamahanga” baligonza kumanya amakuru amarungi. (Zek. 8:23) Kusigikirra ha kubonekerwa kw’omukwenda Yohaana, abantu abalikizibwaho kuruga omu muhito omwingi baliruga omu “mahanga gona, nenganda, nabantu, nendimi.” (Kus. 7:9, 13, 14) Kusigikirra ha byahandiikirwe ebyo, kakuba tusanga omuntu omu buheereza atarukumanya orulimi rwaitu, tusemeriire kukora kyona ekirukusoboka kurora twamugambira amakuru amarungi.

Omulingo gw’Okukikoramu:

Ikara wetegekere. Ikara n’akatabu Good News for People of All Nations omu nsaho yaawe obwire bwona. Soma oburagirizi obuli ha kutandika kw’akatabu kanu obwina omutwe “Omulingo gw’Okukoonyeramu Abo Abarukubaza Orulimi orw’Otamanyire.” Kirungi kuteekereza ha ndimi ez’osobora kusanga nambere murukugenda kutebezaa nukwo oihe vidiyo rundi ebitabu ebiri omu ndimi ezo kuruga ha jw.org obiteeke ha simu yaawe. Kozesa JW Language app okwega hakiri ebigambo bike eby’orulimi orundi. Obu haraaba haroho ebitebe eby’endimi zindi ebitebeza omu kiikaro kimu, twara ebitabu eby’orulimi ekitebe kyanyu kirukukozesa byonka. Baitu obw’oraaba n’otebeza omu rwijwire, n’osobora kuba n’ebitabu by’endimi ezirukwahukana.
Kakuba osanga omuntu atarukumanya orulimi rwawe, lengaho kumugambira “ebyamani ebya Ruhanga” omu rulimi rwe. (Eng. 2:11) Mwoleke jw.org nukwo asobole kumanya ebirukukiraho omu rulimi rwe. Kakuba ayoleka ngu n’agonza kumanya ebirukukiraho, ijuza foomu Please Follow Up (S-43) ogiheereze omuhandiiki w’ekitebe kyanyu omu bwangu. Weyongere kumubungira kuhikya omutebezi arukubaza orulimu rwe obw’aramuhikirra.

Lengaho Kinu Okwezi Kunu:

Omu kuramya kwanyu okw’eka, mube n’eky’okurorraho ekirukwoleka omutebezi n’atebeza omuntu atarukumanya orulimi rwanyu.