“[Yahwe] Nkwesengeriize Oigule Amaisoge”

ERISA hamu n’omuheereza we, bakaba bali Dosani orubuga orukaba ruli omu kihanga ekyehinguliriziibwe ensozi. Kiro kimu nyenkyakara, omuheereza wa Erisa akaimuka yagenda aheeru kandi yarora ekintu ekirukutiinisa! Ihe ry’Abasiriya ery’amaani likaba liizire omu bwire bw’ekiro n’embaraasi, hamu n’ebigaali eby’obulemu. Likeehinguliiriza orubuga. Ihe eri ery’amaani, likaba liizire kukwata nabbi Erisa. Omuheereza wa Erisa akatiina muno kandi yairuka kugambira Erisa ngu akaba ali omu kabi k’amaani.

Gunu gukaba murundi gw’okubanza Erisa kuba omu kabi. Emyaka nyingi enyuma, Yahwe akaba atumire nabbi Eriya kukoma Erisa n’okumutendeka nukwo agaruke omu bigere bye. Abasaija banu babiri bakaba baahiiganiziibwe omukama Ahabbu, omugo we Yezebbeeri, hamu na mutabani wabo Ahaziya. Hanyuma, ekigaali ekirukwaka omurro kikasirimuka kuruga omu iguru kyayahukaniza nabbi ow’agurusire hali munywani we omuto. Eriya akatwarwa omu muyaga gw’amaani. Nikisobora kuba ngu Erisa atongere kurora munywani we, baitu akagumizaamu naakora omulimo Eriya ogu akaba akozere ogw’okwebembera “abana ba banabi” omu bulemu bwa Yahwe obw’okumaraho okuramya okwa Bbaali.—2 Bakam. 2:15.

Yahwe akaha Erisa amaani ag’okukora ebyamahano bingi. Hakaba hatakarabireho akasumi kaingi arugire kukiza Namani mukuru w’ihe ruraanganwa, kandi omuheereza ow’omugaso ow’omukama wa Siriya arukwetwa Benihadadi. Baitu omu kiikaro ky’omukama ogu kusiima, akaikara naasindika ihe rye kutaahirra Isaleeri. Yahwe akaikara naalemesa enteekaniza za Benihadadi kuraba omu kugambira Erisa ebiikaro abanyanzigwa ebi barukugenda kutaahirra. Benihadadi akabiihirwa muno kandi yakaguza abaheereza be nooha akaba naamugobeza kugambira omunyanzigwa we hali enteekaniza ze. Omu h’abaheereza ba Benihadadi akamugambira ngu, nabbi wa Yahwe, Erisa, “nuwe atebeza omukama wa Isareri ebigambo ebyobaza omu kisika kyawe ekyokubyamamu.” Benihadadi obu yakimanyire ngu Erisa ali Dosani, akatuma abasaija be kumukwata.

Omuheereza wa Erisa nuwe yabandize kurora ihe ry’Abasiriya. Akairuka yagenda hali nabbi naatokera haiguru naagamba ati: “Zituboine mukama wange, turakora tuta?” Erisa akarora omuheereza we atiinire muno kandi yamugumya ati: “Otatina!” Hanyuma yayongeraho ebigambo ebirukutuhuumuza kasumi kanu ati: “Abo abali naitwe nibakira obwingi abo abali nabo.” Omuheereza naasobora kuba yahuniriire muno habw’ebigambo Erisa ebi yagambire. Kandi yayekaguza, abasaija babiri nibasobora bata kukira ihe erikooto? Nahabweki Erisa akasaba naagamba ati: “[Yahwe] nkwesengeriize oigule amaisoge arole.”

Ahonaaho Yahwe yagarukamu esaara ya Erisa. Akasobozesa omuheereza wa Erisa kurora ngu ihe rya Yahwe erya bamalaika libeehinguliriize. Ihe linu likaba nirikirra hara ihe ery’abantu. Baibuli egamba eti: “Ensozi zikaba ziijuire embarasi negali okwehinguliiriza Erisa”!

Ihe ry’Abasiriya litarole ihe lya Yahwe erya bamalaika. Bakairra haihi n’orubuga kukwata Erisa. Nahabweki, Erisa akasaba Yahwe abaite amaiso. Omu kiikaro ky’okwita ihe ry’Abasiriya amaiso, Yahwe akabalemesa kwetegereza ebintu ebi bakaba nibarora n’amaiso gaabo. Bataine ky’okukora, bakaikiriza Erisa kubeebembera. Kandi akabeebembera nka kilomita 16 (mairo 10), kuhika Samaliya kandi hanyuma yasaba Yahwe aigule amaiso gaabo. Obu yamazire kugaigura, ahonaaho baayetegereza ngu bakaba bakwatiirwe hagati y’orubuga orukuru orwa Isaleeri! Omukama wa Isaleeri akaba naagonza kubaita. Baitu Erisa yabakwatirwa embabazi yaragira babahe ebyokulya kandi hanyuma babaleke bagaruke omu maka gaabo. Ekyahandiikirwe kimalirra n’ebigambo binu: “Ebihanda bya [Siriya] byaleka okuija omu nsi ya Isareri.”

Nabbi Erisa akaba akimanyire ngu ihe rya bamalaika likaba liroho. Akabarora n’amaiso ge ag’okwikiriza. Emyaka ei akaba amazire naaheereza Yahwe, akaba ayegere ngu Yahwe na bamalaika be, tibaba hara n’abaheereza ba Ruhanga abeesigwa kandi baikara baine ekihika eky’okubakoonyera. Kinu kikakoonyera Erisa kuba mumanzi. Na itwe nitusobora kuba bamanzi nka Erisa.

Soma Ebyahandiikirwe ebirukumubazaaho:

• 2 Ekyabakama 6:8-23

Kuleeta hamu ebiteekerezo:

Miringo ki Erisa ei yayolekeremu obumanzi?

1. 2. Habwaki Erisa yasabire ‘emigabo ebiri’ ey’omwoyo gwa Eriya? (2 Bakam. 2:9; w03 11/1 31-wcgr)

   Eky’okugarukamu kyawe

2. 3. Habwaki ky’amagezi kugamba ngu Yahwe akaigarra ebiteekerezo by’Abasiriya hatali amaiso gaabo? (it “Kufa Amaiso” ¶6-wcgr)

   Eky’okugarukamu kyawe

3. 4. Mirimo ki erukwahukana Erisa ei yakozere obu akaba ali nabbi? (it “Erisa” ¶27-28-wcgr)

   Eky’okugarukamu kyawe

Ebikaguzo eby’Okwecumiitirizaaho

• Nyikara za mulingo ki nambere tusobora kugarurwamu amaani kuraba omu “kurora” bamalaika n’amaiso gaitu ag’okwikiriza? B

  Eky’okugarukamu kyawe

  

• Itwena hamu n’abagurusi b’ekitebe, nitusobora tuta kwegera ha kyokurorraho kya Erisa obu yagarwiremu omuheereza we amaani?

  Eky’okugarukamu kyawe

• Noosobora ota kwegera ha bumanzi bwa Erisa?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Erisa obu alihumbuuka?

  Eky’okugarukamu kyawe

Manya na Binu

Kyokurorraho ki Erisa eki arukuteeraho ab’oruganda abaine obujunanizibwa obuhyaka?

Tamu Abasaija Abamazire Akasumi Nibaheereza Ekitiinisa (4:48)

Seruliiriza amasomo agandi ag’osobora kwegera ha bintu ebyabaireho Erisa.

“Erisa Akarora Ebigaali eby’Omurro—Na Iwe Noobirora?” (w13-E 8/15 28-30)