Akooleka Okwikiriza Omuli Yahwe, Omu Nyikara ey’Egumangaine

HAKABA haroho omufaakati ayaikaraga Zelefaasi na mutabani we omuto. Enjura ekaba emazire akasumi kaingi etarukugwa, nahabweki, ensi ekaba eyomere, busaho kintu ekikaba nikimera kandi abantu bakaba baine ebyokulya bike. Ruhanga akaba ahaire Abaisaleeri ebiragiro ebyakoonyeraga enfuuzi n’enfaakati kutunga ebi barukwetaaga. Baitu omufaakati onu akaba atarukwikara omu Isaleeri. Orubuga omufaakati onu oru yaikaramuga rukaba nirulemwa Esibbaali, omukama w’Abasidoni, ayaramyaga ruhanga omukazi arukwetwa Asitoresi. Nikizooka ngu akaba naakora nka nyakatagara wa ruhanga onu ow’ebisuba. Abantu abaaramyaga Asitoresi baakoraga ebintu ebibi muno otwaliiremu n’emigenzo ey’obusiihani nukwo bamusemeze. Nitusobora kuteekerezaaho omulingo kyagumiire omufaakati onu kwikara n’abantu banu omu busumi obu obugumangaine. Naasobora kuba yayekagwize ati: “Kiki ekirukwija kuhika hali nyowe na mutabani wange? Haroho omuntu weena arukukyetegereza ngu ninyetaaga obukoonyezi? Haroho omuntu weena arukunfaaho?”

Omufaakati akakora kyona ekirukusoboka kuserra ebyokulya ebi baraalya na mutabani we. Baitu enyikara ekeeyongerra kimu kuguma kandi nikizooka ngu omu kaire kake, bakaba nibagenda kufa.

Baitu hakaba haroho ekintu eky’embaganiza kandi eky’omuhendo ekirukukwata ha mufaakati onu. Hanyuma y’okurabaho emyaka nka 1,000, Yesu Kristo akagamba ngu Yahwe akaba arozere omukazi onu naayahukana h’abantu omu Isaleeri abakaba bataine kwikiriza. Nikizooka ngu akaba ayegere ebirukukwata hali Yahwe Ruhanga wa Isaleeri. Obundi akaba akwasirweho omulingo Yahwe yatwazaamuga abantu be. Kandi yamwikiririzaamuga. Baitu Yahwe akaba naija kukorra ki omukazi onu ow’akaba ali omu ihanga erikaafiiri? Akamukorra ekintu ekirukuhuniiriza.

Yahwe akatuma nabbi Eriya hali omufaakati onu, kandi yamugambira ngu aikale na uwe omu bwire bw’ekyanda. Nabbi obu yahikire omu Zelefaasi, akarora omukazi naasenya enku. Akabaza na uwe omu mulingo ogw’embabazi kandi yamusaba kumukoonyera naagamba ati: ‘Ondetere nkwesengeriize otwizi omu kikopo, nywe.’ Omukazi onu akaba atakarorahoga Eriya. Baitu Baibuli egamba eti: ‘Akagenda kututabarra.’ Omukazi onu naasobora kuba yakyetegeriize ngu Eriya akaba ali nabbi wa Yahwe habw’omulingo akaba ajwairemu, n’omulingo ogw’embabazi ogu yabalizeemu na uwe. Omu kasumi ako, Eriya naasobora kuba yayekagwize omukazi onu, obu araaba nuwe omufaakati Yahwe ou akaba amutumireho. Kusobora kukigumya, akongera yamusaba akacweka k’omugaati.

Hanyuma, omufaakati akasoborra nabbi enyikara ye. Akagamba ati: “Nka [Yahwe] Ruhanga wawe okwali omwomezi;” eki kikooleka ngu akaba naikiririza omuli Ruhanga ow’amananu, “omwomezi.” (Yer. 10:10) Hanyuma akagambira Eriya ngu akaba ataine mugaati, oihireho, akaba aine akasaano kataito n’amagita make. Akaba naagenda kuhemba omurro nukwo acumbe ekiihuro kyabo eky’okumalirra. Akagamba ati: “Tugirye” kandi hanyuma “tufe.”

Ebigambo Eriya yayongiire kubaza biine kuba byahuniriize omukazi onu. Akagamba ati: “Otatina.” Eriya akaba naasobora ata kugambira omukazi onu kutatiina, kandi kunu uwe na mutabani we bakaba nibaija kufa habw’enjara? Baitu nabwo, omukazi akamuhuliiriza noobu kiraaba ngu akaba ateetegeriize eki akaba naamanyisa. Hanyuma, Eriya akamugambira omurago kuruga hali Yahwe. Yahwe akaba naija kumuha emigisa obu yaakubandize kucumbira nabbi omugaati. Yahwe akaba naija kukigumya ngu ensoha enkooto yaikara erumu ensaano, n’ecupa yaikara erumu amagita, kuhikya ekyanda kihoireho!

Omufaakati onu yaakwolekere okwikiriza omuli Yahwe, obu naakora Eriya eki yamugambiire kukora? Yaakuhaireyo ebyokulya byonka ebi akaba asigaize, kuliisa nabbi wa Yahwe? Naasobora kuba akaba akimanyire nkooku Yahwe akaba akozere ebintu ebirukuhuniiriza muno ebirukukira ha ky’okubaliisa uwe na mutabani we. Baitu nabwo, yaakutungire obumanzi obw’okwesiga Yahwe? Baibuli egamba ngu: ‘Akagenda yakora nkooku Eriya yamugambiire.’

Yahwe akaha omugisa omukazi ogu habw’okwikiriza kwe. Omu mulingo ogw’ekyamahano, ensoha enkooto ekaikara erumu ensaano, n’ecupa ekaikara erumu amagita, kuhikya ekyanda obu kyahoireho. Kandi Yahwe akamukorra ekintu ekindi ekirukuhuniiriza muno. Mutabani w’omukazi onu akakwatwa oburwaire obwa bwangu-bwangu kandi bwamwita. Baitu Yahwe akakozesa Eriya kumuhumbuura! Oku nukwo okuhumbuuka okw’okubanza okurukubazibwaho omu Baibuli. Omufaakati onu akatunga obumanzi obw’amaani obu yarozere ekyamahano eki. Kandi kuruga kasumi ako, abantu baingi muno batungire obumanzi kuruga omu kyamahano eki, n’omu kyokurorraho ky’omukazi ogu.

Soma Ebyahandiikirwe ebirukumubazaaho:

• 1 Ekyabakama 17:8-24

• Luka 4:25, 26

Kuleeta hamu ebiteekerezo:

Miringo ki omufaakati owa Zelefaasi ei yayolekeremu obumanzi?

Yega Ebirukukiraho

1. 1. Abantu ab’omu Sidoni baaramyaga oha, kandi kiki eki baakoraga omu kuramya kwabo? Okuramya oku kukakwataho kuta Abaisaleeri? (it “Sidoni” ¶6-wcgr) A

   Eky’okugarukamu kyawe

   

   Penta Springs Limited/Alamy Stock Photo

2. 2. Kakwate ki akakaba kali hagati ya Esibbaali n’Omukama Ahabbu owa Isaleeri? (it “Esibbaali”-wcgr)

   Eky’okugarukamu kyawe

3. 3. Abantu ab’omu Foiniki baaramyaga ruhanga omukazi arukwetwa Asitoresi (Asitarete). Migenzo ki ei baakoraga omu kuramya kwabo ey’ekyaroho kasumi kanu? (g93 11/22 13 ¶1-4-wcgr)

   Eky’okugarukamu kyawe

4. 4. Omufaakati obu yafeeriirwe mutabani we, nsonga ki ey’esobora kuba yamuleetiire kukaguza Eriya ati: ‘Oizire nambere ndi okunyijukya ekibi kyange n’okwita omwana wange?’ (1 Bakam. 17:18; w14 2/15 15 ¶4-5-wcgr) B

   Eky’okugarukamu kyawe

   

Ebikaguzo eby’Okwecumiitirizaaho

• Yahwe akaba amanyire omukazi omufaakati noobu kiraaba ngu akaba naikara omu rubuga nambere abantu baaramyaga Bbaali. Kinu nikikwegesa ki hali Yahwe hamu n’omulingo tusemeriire kuroramu abantu ab’omu kiikaro eki tutebezaamu? (Ebik. 10:35)

  Eky’okugarukamu kyawe

• Kiki Abakristaayo abaine ebizibu omu by’entaahya eki basobora kwegera ha kwikiriza n’obumanzi obw’omufaakati owa Zelefaasi? C

  Eky’okugarukamu kyawe

  

• Miringo ki endi ei tusobora kwegera ha bumanzi bw’omufaakati owa Zelefaasi?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza omufaakati owa Zelefaasi obu alihumbuuka?

  Eky’okugarukamu kyawe

Manya na Binu

Kusisana n’omufaakati owa Zelefaasi, nitusobora tuta kwoleka ngu nitwebembeza enkoragana yaitu na Yahwe kukira kuserra itungo?

“Kusiimwa omu Maiso ga Ruhanga Kirugamu Obwomeezi Obutahwaho” (w11-E 2/15 13-17)

Rora obwakaiso oburukwoleka ngu Yahwe ata omutima ha bikorwa byona eby’okwikiriza noobu byakuba bitaito.

“Yahwe Arora Ebi Okora?” (w03-E 5/1 28-31)