Omusaija ow’Okubanza Kurwana Obulemu bwa Yahwe

YAHWE akaraganiza munywani we Ibburahimu ekintu ekikaba nikiija kukwataho buli omu, omu nsi. Akamuraganiza ati: “Ndikufora ihanga erikoto.” Ekindi, Ruhanga akooleka Ibburahimu ensi nambere ihanga linu lyakwikaire. (Kub. 12:2; 13:14, 15) Baitu Sitaani akaba naagonza kuhwerekereza Ibburahimu nukwo atatunga abaijukuru. Sitaani akaba akimanyire ngu ‘oruzaaro’ oru orukaba rurangirwe kandi orwakumuhwerekeriize, rwakurugire omu baijukuru ba Ibburahimu.—Kub. 3:15.

Sitaani akataahirra Ibburahimu n’eka ye. Omu h’abantu ababonaboine nuwe omwihwa wa Ibburahimu Loti. Ibburahimu akaha Loti omugisa gw’okukomamu nambere araikara omu Nsi ey’Ekaba Eraganiziibwe, kandi Loti akakomamu ekiikaro ekirungi kandi ekikaba kiine orwezo orwingi muno. Kikaba kiri haihi n’orubuga rwa Sodomu nambere abantu ‘baali babi, kandi basiisi mali-mali omu maiso ga Yahwe.’ (Kub. 13:8-13) Omukama wa Sodomu hamu n’abakama abandi bbana ab’omu Kanaani, bakaba baine ekiniga habwokuba bakaba bajwahire kusasura omukama wa Eramu omusoro. Kandi ekyarugiremu, bakacwamu kujeema. Kinu kikaleetera omukama wa Eramu hamu n’abakama abandi bbana kurwanisa abakama ba Kanaani kandi baabasingura. Omukama wa Eramu n’abakama abandi abaamukoonyiire bakagarukayo baine ebintu bingi hamu n’abantu abakaba banyagirweyo. Loti hamu n’eka ye bakaba bamu h’abantu abakaba banyagirwe.

Hati kiki Ibburahimu eki yaakukozere? Akaba naasobora kuteekereza ngu Loti, nuwe yayereetiire ebizibu habw’encwamu ei yakozere ey’okwikara omu Sodomu. Rundi akaba naasobora kuteekereza ngu kakuba agenda kukoonyera Loti, kyakumuleetiire kurwanisa abakama abo kandi kunu Ibburahimu akaba atali murwani baitu akaba ali muliisa. Ekindi, omu h’abakama abo akaba naalema omu Sinara nambere Ibburahimu akaba arugire. Nahabweki, Ibburahimu kumurwanisa kikaba nikimanyisa ngu akaba atarukwija kugaruka omu Sinara omu rubuga rwa Uru. Baitu ebi byona Ibburahimu atabiteekerezeeho. Akaba akimanyire ngu Yahwe naagonza ajune Loti.

Omu kasumi ako, eka ya Ibburahimu ekaba erumu abantu abarukuhingura omu 1,000. Akasorooza abasaija be 318 abatendekerwe kurungi, kandi baayeteekaniza kugenda kurwana. Bakagenda kurwanisa omukama wa Eramu n’abakama abandi abakaba nibamusagika. Bakagenda orugendo oruraihire omu matemba omu kicweka kya Dani, kandi oku nuho baasangire abanyanzigwa baabo. Ibburahimu akabaganizaamu abasaija be kandi yataahirra abanyanzigwa be omu bwire bw’ekiro. Noobu kiraaba ngu Ibburahimu n’abasaija be bakaba bali bataito, bakasingura ihe ly’abanyanzigwa baabo kandi lyairuka. Ibburahimu akagumizaamu naahambya abakama abo bbana hamu n’abasaija baabo kuhikira kimu hara omu matemba. Obu baahikire haihi na Damasiko, Ibburahimu akabasingurra kimu, kandi yabanagisa byona ebi bakaba batwaire kuruga omu Kanaani. Ha kumalirra, Loti n’eka ye bakalekerwa!

Yahwe akeehurra ata habw’okwikiriza n’obumanzi Ibburahimu ebi yayolekere? Omulingo yayehuliire gukeeyoleka kurungi, Ibburahimu obu yarabire haihi n’orubuga rwa Saalemu. Omukama w’orubuga oru arukwetwa Merekizedeki, yaheerezaaga nk’omukama kandi nka nyakatagara wa Yahwe. Merekizedeki akaruga omu rubuga oru kutangatangana Ibburahimu n’okumuha emigisa ya Yahwe. N’obwebundaazi, Ibburahimu akaha Merekizedeki kimu kya ikumi eky’ebintu ebirukukirayo oburungi ebi akaba anagisize abanyanzigwa be.

Hataroho kugurukyagurukya, obulemu obu butabe bw’abantu baitu bwa Ruhanga. Egi niyo ensonga habwaki Baibuli ebazaaho ekitabu ekirukwetwa ‘ekitabu ky’Obulemu bwa Yahwe.’ (Kubar. 21:14) Nikisobora kuba ngu Obulemu bwa Ibburahimu nubwo bwabandize kuhandiikwa omu kitabu eki. Hanyuma y’emyaka nyingi, abaijukuru ba Ibburahimu obu baarwanisize Abakanaani ababi abakaba bali omu Nsi ey’Ekaba Eraganiziibwe, Yahwe yaikaraga naabakoonyera kusingura.

Baitu abantu be obu baamurugireho, akaleka kubaha obulinzi bwe. Ha kumalirra, Yahwe akabarugiraho kimu obu baayangire kwikiririza omu Mwana we ow’akaba ali Masiya. Omu kiikaro ky’okuha omugisa ihanga lya Isaleeri, Yahwe akatandika kuha omugisa ekitebe eky’Abakristaayo abaseeserweho amagita abarukwebemberwa Kristo. Yesu akatanga abeegeswa be kwejumbira omu by’obulemu. (Mat. 26:52) Oihireho, akabeegesa kurwana obulemu obw’eby’omwoyo. Yesu obu akaba ali hanu omu nsi, akatuteeraho ekyokurorraho ekirukwoleka ngu obumanzi obu turukwetaaga kurwana obulemu bwonyini, nubwo bumanzi obu turukwetaaga kurwana obulemu obw’eby’omwoyo.

Soma Ebyahandiikirwe ebirukumubazaaho:

• Okubanza 14:1-24

• Abahebburaniya 7:1-4

Kuleeta hamu ebiteekerezo:

Miringo ki Ibburahimu ei yayolekeremu obumanzi, nkooku kirukwolekwa omu Byahandiikirwe ebi twaruga kusoma?

Yega Ebirukukiraho

1. 1. Bwakaiso ki oburukwoleka ngu ebintu ebirukubazibwaho bihikire? (w89 7/1 5 ¶4–6 ¶1-wcgr)

   Eky’okugarukamu kyawe

2. 2. Bwakaiso ki oburukwoleka ngu ebintu Baibuli ebi ebazaaho Sodomu na Gomora bihikire? (it “Enyanja ey’Ekisura” ¶6-wcgr) A

   Eky’okugarukamu kyawe

   

   BestTravelPhotography/iStock via Getty Images Plus

3. 3. Merekizedeki akaba ali mukama kandi nyakatagara omu Saalemu. Saalemu ekaba neesangwa nkaha? (it “Saalemu”-wcgr)

   Eky’okugarukamu kyawe

4. 4. Merekizedeki akaba naakikirra Yesu omu miringo ki? (it “Nyakatagara Omukuru” ¶27-28-wcgr) B

   Eky’okugarukamu kyawe

   

Ebikaguzo eby’Okwecumiitirizaaho

• Ibburahimu akaikiriza Loti kutwara itaka erirukukirayo oburungi. Nitusobora tuta kwegera hali Ibburahimu obukirukuhika ha mulingo tutwazaamu ab’omu maka gaitu, Abakristaayo bagenzi baitu, hamu n’abantu abandi? C

  Eky’okugarukamu kyawe

  

• Ibburahimu akaba ayehaireyo kukora kyona ekirukusoboka kujuna omwihwa we. Kinu nikitwegesa ki?

  Eky’okugarukamu kyawe

• Miringo ki endi ei osobora kwegera ha bumanzi Ibburahimu yayolekere omu isomo linu?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Ibburahimu rundi Loti obu balihumbuuka?

  Eky’okugarukamu kyawe

Manya na Binu

Weetegereze omulingo Ibburahimu yatandikire kwesigira kimu Yahwe.

Yegera Ha Kwikiriza Kwabo—Ibburahimu, Ekicweka 1 (10:43)

Ibburahimu akooleka ata obumanzi noobu akaba atakarugire omu Uru?

“Ibburahimu—Omusaija Omumanzi” (w12 1/1 6-7-wcgr)