Akaba Ayehaireyo Kukora Ekintu Ekikaba Kigumire

IBBURAHIMU akarubata mpora kugenda omu kiikaro Yahwe eki akaba amugambiire. Akaba acweriiremu kimu kugenda omu kiikaro eki. Orugendo runu rukaba nirwija kutwara ebiro bike, baitu nurwo rukaba rukyakizireyo kuguma omu bwomeezi bwe.

Akaikara naateekerezaaho Yahwe eki akaba amugambiire kukora, habwokuba akaba amugambiire ati: “Twara hati omwana wawe, omwana wawe omu wenka, owogonza, nuwe Isaka, ogende omu nsi ya Moliya; kandi omuhereyo okuba ekihongwa ekyokeze ha rumu ha nsozi orundikugambira.” Yahwe akaba akimanyire ngu Ibburahimu naagonza muno mutabani we Isaka. Hati habwaki yamusabire kukora ekintu kinu? Kandi Ibburahimu akaba naasobora ata kutunga okwikiriza n’obumanzi ebirukwetaagisibwa, kusobora kworobera Yahwe?

Baibuli eyeta Ibburahimu “ise abo boona abaine okwikiriza.” (Bar. 4:11) Okwikiriza kwe kukaba kumazire ira kuguma, Yahwe noobu akaba atakamusabire kuhayo omwana we. Kandi kumara emyaka nyingi, Yahwe akaba amukoonyiire kugumya okwikiriza kwe. Ekyokurorraho, emyaka nyingi enyuma, Yahwe akaba agambiire Ibburahimu ngu naagenda kuhwerekereza orubuga rwa Sodomu na Gomora, ezikaba ziijwiremu abantu ababi. Ekintu kinu kikatuntuza muno Ibburahimu kandi yahika n’okukaguza Yahwe obu araaba naagenda kuhwerekereza abantu ababi, otwaliiremu n’abarungi. Omu mulingo ogw’okugumiisiriza, Yahwe akagambira Ibburahimu ngu akaba atarukwija kuhwerekereza embuga ezi, kakuba asangamu abantu bake muno abakaba nibakora ebihikire. (Kub. 18:16-33) Kuruga obu, Ibburahimu akakyetegereza ngu Yahwe w’obwinganiza kandi w’embabazi.

Hanyuma y’obwire buke, Yahwe akakorra Ibburahimu na Saara, ekintu ekirukuhuniiriza. Noobu kiraaba ngu Saara akaba ali haihi kuhikya emyaka 90, kandi Ibburahimu ali haihi kuhikya emyaka 100, Yahwe akagarra buhyaka obusobozi bwabo obw’okuzaara kandi kyabasobozesa kutunga omwana, Isaka! Ekintu kinu kikakoonyera Ibburahimu kukyetegereza ngu busaho kintu kyona ekitarukusoboka hali Yahwe. Akaba naasobora n’okugarra buhyaka ekintu ekikaba nikizooka nk’ekifiire. (Bar. 4:18, 19) Isomo eri nalyo Ibburahimu atalyebwe.

Na hanyuma y’okurabaho emyaka 25, Ibburahimu aine kuba yaikaire naateekerezaaho amasomo ago obu akaba naagenda Moliya. Akakyetegereza ngu Isaka noobu yakufiire, Yahwe akaba aine obusobozi n’ekihika ky’okumuhumbuura! (Baheb. 11:19) Nahabweki, Ibburahimu akagumizaamu n’orugendo rwe, kandi okunihira oku akaba aine kukamukoonyera kutunga obumanzi obu akaba naayetaaga.

Ibburahimu obu yalengiire ekiikaro Yahwe eki akaba akomeremu, akagambira abaheereza be kusigara enyuma kandi uwe na Isaka batembe orusozi kuhayo ekihongwa. Eki yabagambiire, kikooleka ngu akaba naakigumya ngu uwe na mutabani we bakaba nibaija kugaruka. Obu bakaba bali ha rusozi, obwire bukahika Ibburahimu kuhayo omwana we nk’ekihongwa. N’obwebundaazi, Isaka akaikiriza ise ow’akaba akuzire omu myaka kumuboha n’emiguha kandi yamubyamya ha kyoto. Ibburahimu akaimukya omukono gwe ogukwasire omuhyo, ayeteekaniize kukora ekintu taata weena ow’okugonza, eki atasobora kukora. Ahonaaho, akahurra iraka lya malaika nirimweta kandi nirimugambira liti: “Otakora kubi omwana.”

Hanyuma, Yahwe akasiima Ibburahimu habw’okwikiriza kwe n’obuhulizi bwe. Akongera yagarukamu omurago gwe hali Ibburahimu ogw’okumuha omugisa kukanyisa oruzaaro rwe n’okusobozesa “amahanga gona agensi” kutunga emigisa ey’amaani habw’ekintu Ibburahimu eki akaba ayehaireyo kukora.

Omurago Yahwe ogu yaraganiize Ibburahimu, na hati nigukyahikiirizibwa. Omurago ogu, nigwija kuleetaho emigisa ey’eraikaraho ebiro n’ebiro. Ekyahikire hali Ibburahimu nikyoleka ekintu ekindi ekirukukwata hali Yahwe. Akatukoonyera kwetegereza obusaasi obu akaba naija kugumira kusobora kujuna abantu abeesigwa. Nkooku Ibburahimu akaba ayehaireyo kuhayo omwana we omu wenka, na Yahwe na uwe akahayo Omwana we omu wenka, Yesu, nukwo buli muntu asobole kutunga akasumi ak’omumaiso akarungi. (Yoh. 3:16) Nahabweki, obu twegaho omulingo Ibburahimu akaba ayehaireyo kuhayo omwana we ou yagonzaaga muno, kitwoleka nkooku Yahwe atugonza muno.

Kusisana na Ibburahimu, okwikiriza kwaitu nikwija kweyongera kuguma, kakuba tuteekerezaaho ebintu Yahwe yakozere n’ebi yabalize omu busumi obwa kara. Kandi okwikiriza kwaitu obu kuraayeyongera kuguma, nitwija kweyongera kuba bamanzi. Titusemeriire kweraliikirra ngu Ruhanga naija kutusaba kukora ekintu eki yasabire Ibburahimu kukora. Takasabaga omuntu ondi weena kukora ekintu nk’eki. Baitu nitusobora kukigumya ngu ekintu kyona Ruhanga eki araatusaba, okwikiriza oku twine omuli uwe nikwija kutuha obumanzi obw’okumworobera. Kandi obu turaamworobera, nitwija kutunga emigisa nyingi muno!

Soma Ebyahandiikirwe ebirukumubazaaho:

• Okubanza 22:1-19

• Abahebburaniya 11:11, 12, 17-19

Kuleeta hamu ebiteekerezo:

Miringo ki Ibburahimu ei yayolekeremu obumanzi nkooku kirukwolekwa omu Byahandiikirwe ebi twaruga kusoma?

Yega Ebirukukiraho

1. 1. Bwakaiso ki oburukwoleka ngu Ibburahimu akabaho kwo? (g 5/12 18, akasanduuko-wcgr; it “Ibburahimu” ¶22-23-wcgr) A

   Eky’okugarukamu kyawe

   

Ebikaguzo eby’Okwecumiitirizaaho

• Okunihira Ibburahimu oku akaba aine kukamukoonyera kuta kuba mumanzi? Kuteeka omutima ha kunihira kwaitu kitukoonyera kita kuba bamanzi? C

  Eky’okugarukamu kyawe

  

• Nitusobora tuta kwegera ha bumanzi bwa Ibburahimu kandi tukahayo ekihongwa . . .

  • tutunga omugisa ogw’okugambiraho omuntu hali Yahwe? (Baheb. 13:15)

    Eky’okugarukamu kyawe

  • obu tucwamu omulingo turaakozesaamu itungo lyaitu? (Nfu. 3:9)

    Eky’okugarukamu kyawe

  • obu tukyetegereza ngu Abakristaayo bagenzi baitu nibeetaaga obukoonyezi bwaitu? (Baf. 4:18)

    Eky’okugarukamu kyawe

• Miringo ki endi ei tusobora kwegera ha bumanzi Ibburahimu obu yayolekere nkooku kirukwolekwa omu kicweka kinu?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Ibburahimu rundi Isaka obu balihumbuuka?

  Eky’okugarukamu kyawe

Manya na Binu

Rora ebintu ebi twaruga kusomaho nibibaho.

Yegera ha Kwikiriza Kwabo—Ibburahimu, Ekicweka 2 (11:10)

Ibburahimu akafooka ata munywani wa Yahwe nfenanfe, kandi iwe noosobora ota kugumya enkoragana yaawe na Yahwe?

Yahwe Akamweta ‘Nganjani Yange’ (w16.02 8-12-wcgr)