Akanga Kurora Enyuma

SAARA akaba aswirwe omusaija ou yagonzaaga muno arukwetwa Ibburahimu. Baikaraga omu rubuga orw’amaani orurukwetwa Uru, kandi rukaba rwetooroirwe ebisiika eby’amaani, ruli haihi n’Ekyambu ekikooto Efuraati. Abantu ab’omu rubuga oru bakaba nibaramya ebisisani, baitu Ibburahimu we akaba naayahukana hali bo. Yaramyaga Ruhanga omu ow’amananu, Yahwe. Saara na uwe yaikiririzaaga omuli Ruhanga ow’amananu. Baitu, haroho ekintu ekikaba nikyetaagisa Saara kwoleka obumanzi n’okwikiriza.

Ibburahimu akamugambira ngu Yahwe abalize na uwe! Kinu nikisobora kuba kyasemiize muno Saara. Baitu ekintu Yahwe yagambiire Ibburahimu kukora kikaba kitanguhire. Bakaba baine kulekaho eka yabo, abanyabuzaale baabo kandi bagende omu nsi eya hara. Kikaba nikiija kubeetaagisa kugenda orugendo oruraihire, nibarubata mpora-mpora kandi baikale omu heema. Saara akaba atarukwija kwongera kwikara omu rubuga orw’amaani orwine abalinzi kandi orwetooroirwe ebisiika. Akaba atarukwija kwongera kuraara omu nju enkooto, ey’erumu amaizi hamu n’ebintu ebindi ebirungi. Kandi akaba atarukwija kwongera kugenda omu katale ak’omu Uru kugura ebyokulya hamu n’ebintu ebindi! Mali ebizibu byakubaire bingi. Baitu Saara akaikiriza kugenda. Akaikiririza omuli Yahwe, yapakira ebintu bye, yaraga abanyabuzaale hamu n’abanywani be, kandi yagenda na Ibburahimu omu kiikaro eki akaba atamanyire.

Saara akooleka obumanzi omu mulingo ogundi. Omukwenda Paulo akabazaaho Saara na musaija we ati: “Kakuba baikaire nibaijuka ekiikaro nambere baarugire, baakutungire omugisa ogw’okugarukayo.” (Baheb. 11:15) Saara akaba naasobora kwegomba eka ei yalekere omu Uru hamu n’obwomeezi oburungi obu akaba naayegondezaamu. Baitu eki atakikole, oihireho, n’obumanzi akanga kuteekerezaaho ebi akaba asigire enyuma.

Obu baahikire Kanaani, Saara akakyetegereza ngu hakaba hataliyo ekyambu ekikooto ekirukusisana Efuraati ekirumu amaato agarukubaleetera ebyokulya hamu n’ebintu ebindi eby’okugura. Nahabweki, enjara obu yagwire omu Kanaani, bakaba bataine ekintu ekindi kyona eky’okukora, oihireho kurugayo. Baitu nabwo, Saara atakozese omugisa gunu kusindikiriza iba kumugarrayo omu Uru, oihireho, akaikiriza kugenda na Ibburahimu omu ihanga lya Misiri.

Habwokuba Saara akaba asemiire muno h’amaiso, Ibburahimu akatiina ngu omuntu naasobora kumwita habw’okugonza kumumutwaraho. Saara akaba aine kwefoora mugenzi wa Ibburahimu. Baitu eki kitatange Faraaho owa Misiri kumwegomba habw’oburungi bwe. Akaragira abaheereza kwiha Saara hali Ibburahimu kandi bamutwale omu kikaali kye. Ky’amananu ngu kwikara omu kikaali, kyakuleetiire Saara kwehurra kurungi kandi ateekaine, kukira kwikara omu heema n’okwikara naafuruka. Baitu Saara akasigaho Ibburahimu, nukwo ayegondeze omu bwomeezi oburungi na Faraaho? Nangwa. Akooleka obumanzi kandi yaikara ali mwesigwa hali iba. Ekyarugiremu, Yahwe akamujuna! Hanyuma y’obwire buke, akongera yagaruka hali iba ou yagonzaaga muno.a

Yahwe akaba araganiize ngu Ibburahimu akaba naija kurugwamu ihanga erikooto. Baitu Saara akaba atakazaire omwana weena. Mali enyikara egi etamwanguhire. Baitu hanyuma y’okumara emyaka nyingi omu Kanaani, Yahwe akaha Saara omugisa. Noobu kiraaba ngu akaba aine emyaka 90, Yahwe akamuha omugisa obu naahikiiriza ekintu Saara eki yagonzaaga muno. Akazaara omwana omwojo! Yahwe akaragira ngu omwana ogu arukwe ibara Isaka, erikaba nirimanyisa “enseko.” Ibara linu likaba limusemeriire habwokuba Ibburahimu na Saara bakaba basekere habw’okusemererwa obu bakyetegeriize ngu bakaba nibaija kutunga omwana. Kandi Saara akaba naakigumya ngu abantu bakaba nibaija kuseka na uwe obu baakuhuliire ekyamahano Yahwe akaba amukoliire.

Saara akoomeera emyaka nyingi, yakuza omwana we kandi yamurora naafooka omusaija omurungi. Kinu kikasoboka habwokuba Saara akaba ali muzaire ow’okugonza kandi aine obumanzi obw’okulinda mutabani we. Saara akangira kimu kuteekerezaaho kugaruka omu ka ye omu bwomeezi oburungi kuhikya obu yafiire. Oihireho, akateeka omutima h’akasumi ak’omumaiso akarungi. Saara n’eka ye batarole emirago ya Yahwe ey’akasumi ak’omumaiso neehikirra, baitu nitukigumya ngu omu kasumi akatali ka hara, nibaija kugirora neehikirra!

Soma Ebyahandiikirwe ebirukumubazaaho:

• Okubanza 12:1-20; 15:18; 16:1, 2; 17:3-8, 15-19; 18:9-15; 20:1-17; 21:1-13

• Ebikorwa 7:1-7

Kuleeta hamu ebiteekerezo:

Miringo ki Saara ei yayolekeremu obumanzi?

Yega Ebirukukiraho

1. 1. Kikaba kiri kibi Saara kuswerwa Ibburahamu noobu kiraaba ngu isebo akaba ali omu? (wp17.3 12 ¶5, obugambo obuli hansi-wcgr)

   Eky’okugarukamu kyawe

2. 2. Bazaaho ebintu Saara ebi asobora kuba yasigireho omu Uru. (wp17.3 13 ¶3–14 ¶2-wcgr) A

   Eky’okugarukamu kyawe

   

   Photograph taken by courtesy of the British Museum

3. 3. Bwakaiso ki oburukwoleka ngu Ibburahimu akakora ekintu eky’amagezi obu yagambire ngu Saara akaba atali mukazi we? (wp17.3 14 ¶6–15 ¶2-wcgr)

   Eky’okugarukamu kyawe

4. 4. Noobu kiraaba ngu Saara akaba naayorobera Ibburahimu nk’omutwe gw’eka, eki nikimanyisa ngu atamugambire omulingo akaba naayehurra rundi enteekereza ye, noobu eraaba ekaba neeyahukana n’eye? Soborra. (g 1/08 29 ¶4-5-wcgr) B

   Eky’okugarukamu kyawe

   

Ebikaguzo eby’Okwecumiitirizaaho

• Teekerezaaho Saara na mukazi wa Loti.

  • Bakaba nibasisana omu miringo ki? (Kub. 12:1; 13:5-7; 19:12, 15)

    Eky’okugarukamu kyawe

  • Bakaba nibaahukana omu miringo ki? (Kub. 19:17, 26; Luk. 17:28-32)

    Eky’okugarukamu kyawe

  • Kiki eki turukwegera ha ncwamu ezi baakozere hamu n’ebintu ebyarugire omu ncwamu zaabo?

    Eky’okugarukamu kyawe

• Saara akaba asemiire muno h’amaiso, kandi iba akaba ali muguuda. Kiki eki turukwegera hali Saara obu turaaba na itwe tusemiire h’amaiso rundi tuli baguuda? (Nfu. 31:30; 1 Tim. 6:17-19)

  Eky’okugarukamu kyawe

• Noosobora ota kwegera ha kyokurorraho kya Saara eky’obumanzi? C

  Eky’okugarukamu kyawe

  

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Saara obu alihumbuuka?

  Eky’okugarukamu kyawe

Manya na Binu

Ekyokurorraho kya Saara nikikwataho banyinabwenge bonka? Rundi nikisobora n’okwegesa banyineeka?

Yegera ha Kyokurorraho Kyabo—Saara (6:27)

Manya Saara na Ibburahimu eki baakozere kuleetera buli omu hali bo kwehurra ngu naateekwamu ekitiinisa.

“Ikaza ‘Omurro gwa Yahwe’ Nigwaka” (w23.05 24-25 ¶15-17)