Binu Byoona Nibimanyisa Ki?

YESU KRISTO akagamba: ‘Emperu y’entekaniza y’ebintu eby’ensi’ yakurambirwe n’obulemu, ibura ly’ebyokulya, enfu n’emisisa.​​—⁠Matayo 24:​1-8, NW; Luka 21:​10, 11.

Kurugira kimu 1914, obwomezi busisirwe n’obulemu hagati y’amahanga n’enganda obundi niburugirra ha banyadiini okwetaahya mu by’obulemi, kandi biro binu n’okurumbibwa kw’abainazi abaisi.

Nobu haraba haroho okukurakurana mu bya sayansi, abantu baingi tibaine byokulya ebirikumara omunsi yoona. Buli mwaka abantu baingi baitwa enjara.

Enfu rundi endwaire nyingi ezikuturra munsi, nakanu kamu habwokurorraho Yesu obu yahaire. Okutandika omu mwaka ogwa 1918, ekihinzi (Spanish flu) kikaita abantu 21,000,000. Obutasisana enfu ezabaireho mu byasa ebyaira, bukakwata ha buli kacweka k’ensi yoona. Aids ejanjaire mu nsi yoona, n’akakonko, n’omuswija gw’emibu, okuturuka, n’omuswija gw’omurarama, oburwaire bunu bwoona bweyongire okujanjara mu nsi ezirukukura.

Nikigambwa ngu haroho enkumi n’enkumi z’emisisa ey’amani ey’embaganiza eyebaho buli mwaka. Nobu haraba haroho ebyoma ebipima, ebiranga, n’ebikebera amaani ag’emisisa, emisisa gisiire abantu baingi kandi kibaire mutwe mu mpapura z’amakuru.

Baibuli nayo ekagamba: “Baitu kinu okimanye ngu, omu biro bya hanyuma ebiro ebyakabi kaingi biriija. Baitu abantu baliba abegonza bonka, nabagonza erupiya, nabemyehembo, nabekuniki, nabajumi, nabatarukuhura ababazaire, nabatarukusiima, nabatarukwera, nabatagonza bene babu, nabataterana hamu nabahangirizi, nabatanyina okwetanga, naba’ruma nabatagonza oburungi, n’abadupi, n’abagumangana, n’abenyumiza bonka, n’abagonza okwesemeza bonka okukira Ruhanga, banyina okusisana nkokutina Ruhanga baitu amani gakwo bugehakaina kandi nibo oterege amabega.”​​—⁠2 Timoseo 3:​1-5.

Torukwikiriza ngu tuli mu ‘biro eby’akabi kaingi’?

Naiwe tokirozire ngu abantu mubwingi nibegonza bonka, abagonza rupiya kandi nibatwarwa emyehembo?

Noha ayakukihakaine ngu ensi ijwire abantu abarukwefaho bonka, abatarukusiima, nabatarukuterana hamu n’abatarukwera?

Nokimanya ngu obutahurra abazaire hamu n’obutagonzangana obulengeserize bweyongire muno munsi yoona?

Hatali kugurukyagurukya, tuli munsi eyetamirire kimu okugonza kwesemeza etaine kugonza burungi. Gunu nugwo mulingo Baibuli esoborraho engeso ezakubaireho ‘mu biro bya hanyuma.’

Obujulizi obundi nibwetagwa nukwo twetegereze ebiro ebiturumu? Yesu akagamba ngu mu biro nibyo bimu, enjiri y’Obukama bwa Ruhanga yakutebezibwe munsi yoona. (Matayo 24:14) Kinu nikikorwa?

Akatabo aka The Watchtower, akatirwe nikesigamizibwa ha Baibuli, akarangirra amakuru amarungi ag’Obukama bwa Yahwe, katerwa mundimi nyingi kukira obutabu obundi.

Buli mwaka Bakaiso ba Yahwe, bakozesa obukaikuru n’obukaikuru bw’esaha mukuha obujulizi hali abandi ha Bukama bwa Ruhanga

Ebitabu ebirukusoborra Baibuli ebirukuteerwa Bakaiso ba Yahwe hati biri mu ndimi 400, otwaliremu n’ezo endimi ezirukumanywa abantu abake. Bakaiso ba Yahwe bahikire munsi zoona n’amakuru amarungi, batebize mubizinga n’omubicweka abalemi ebi batwara nk’ebitaine mugaso muno. Munsi nyingi baine entegeka enungi y’okwegesa Baibuli obutayosa.

Mananu amakuru amarungi g’Obukama bwa Ruhanga gatebeziibwe munsi yoona, obutahindura ensi baitu okuha obwakaiso. Mu nsi yoona abantu bahairwe omugisa okwoleka ngu obu baraba nibafaayo hali ogu ayahangire iguru n’ensi, n’okuhurra ebiragiro bye n’okwoleka okugonza hali abantu abandi.​​—⁠Luka 10:​25-​27; Okusuku’rwa 4:​11.

Mubiro ebitali bya hara, Obukama bwa Ruhanga nibwija kusemeza ensi enu bwihemu obubi bugifoole orugonjo rwa Ruhanga.​​—⁠Luka 23:⁠43.

[Akasanduuko akali ha rupapura 6]

Ebiro Byahanyuma Yaki?

Teri mperu ya bantu. Abo abakora Ruhanga ebyagonza, Baibuli n’ebanihiza okutunga obwomezi bw’ebiro n’ebiro.​​—⁠Yohana 3:​16, 36; 1 Yohana 2:​17.

Teri mperu y’ensi enu. Ekigambo kya Ruhanga nikiraganiza ngu ensi erigumaho ebiro byoona.​​—⁠Zabuli 37:29; 104:5; Isaya 45:⁠18.

Kwihaho binu nibyo biro by’emperu y’entenkaniza enu ey’ebintu eijwiremu obusasamaro, obutagonzangana, hamu nabo abarukugonza emitwarre yayo.​​—⁠Enfumo 2:​21, 22.

[Akasanduuko/Eisisani ekiri ha rupapura 7]

Baibuli Mananu Kigambo kya Ruhanga?

Mu mirundi nyingi, abanabbi ab’omu Baibuli bakahandika: “Kinu nikyo Yahwe agambire.” (Isaya 43:14; Yeremiya 2:​2, NW) Na Yesu, Omwana wa Ruhanga akagumya ngu, “ebigambo ebimbagambira timbigamba habwange nyenka.” (Yohana 14:10) Baibuli yonyini n’esoborra kurungi ngu: “Ebihandikirwe byona ebitekerezebwa omwoyo gwa Ruhanga.”​​—⁠2 Timoseo 3:​16.

Busaho kitabu ekindi ekirikuteerwa mu ndimi nyingi nka kyo​​—⁠kukira ha ndimi 2,200, nkoku kyagambirwe ab’ekitebe kya United Bible Societies. Busaho kitabu ekirukukingana mu kusasanizibwa​​—⁠hati hakukira ha bukaikuru enkumi ina. Tinikyo wa kunihire habukwenda oburukuruga hali Ruhanga hali abantu boona?

Okuhwitu’ra kimu n’okuhamya ngu Baibuli ekaterekerezebwa omwoyo gwa Ruhanga, dora ekitabu The Bible​​—⁠God’s Word or Man’s?, ekyatiire Abakaiso ba Yahwe.

Kakuba n’osoma Baibuli n’omutima ogurukusiima noija kukimanyira kimu ngu Baibuli mananu Kigambo kya Ruhanga, kandi noija kutungamu emigaso nyingi.

[Akasanduuko/Ebsisani ebiri ha rupapura 8]

Obukama bwa Ruhanga Nikyo Kiki?

Nubwo bulemi obw’embaganiza obu Ruhanga ow’amazima Yahwe, omuhangi w’iguru n’ensi yataireho.​—Yeremiya 10:​10, 12.

Baibuli n’egamba ngu Ruhanga ahaire obusobozi hamu nokulema hali Yesu Kristo. (Okusuku’rwa 11:15) Yesu obwakaba ali munsi akoleka ngu aine obusobozi bw’amaani kuruga hali Ruhanga obwamusoboize kutanga omuyaga, n’okukiza oburwaire obwa buli mulingo, kandi n’okuhumbura abafu. (Matayo 9:​2-8; Marako 4:​37-​41; Yohana 11:​11-​44) Obunabbi bwa Baibuli bwali buragwire ngu Ruhanga yakumuhaire “okulema, n’ekitinisa, n’obukama abantu boona n’amahanga n’ab’endiimi bamukorrege.” (Danieri 7:​13, 14) Obulemi bunu nibumanywa nk’obukama bwomu iguru, ekirukumanyisa ngu Yesu Kristo nalemera omu iguru.

[Ebisisani ekiri ha rupapura 7]

Okutebeza amakuru amarungi omu nsi yoona