Nonihira Ki Omu Bwomezi Bwawe?
• Abantu abarukukira obwingi batwairwe muno ebi ebibaho bulikiro batarukweeferayo nkaha obwomezi ha burabahikya.
• Baibuli netugambira ngu haliyo ebirungi byonka omumaiso. Kandi nerabura ngu nihaija kubaho empindahinduka y’amaani muntekaniza ez’abantu. Itwe okutunga emigisa mu mirago ya Baibuli kandi tuke- ntantara kugwa mu kabi twine kugira ekitwakoraho mubwangu.
• Haroho abantu abarumanya Baibuli ekyerukugamba kandi bakita munkora kandi bakaikiriza okweralikirra kw’ebiro binu kubahabisa.
• Oine okusemererwa obwomezi bwawe nkoku burukugenda? Obu otegeka oku-kora ebintu, ofaayo nkoku birakwata habigendererwa byawe eby’obwomezi obw’omumaiso?
[Akasanduuko/Eisisani ebiri ha rupapura 9]
Kiki eky’Omugaso Muno Hali Iwe?
Bino nosobora kubipima ota? Yoleka obukuru bwabyo.
Bingi bine omugaso omu bwomezi baitu kiraha ky’okubanza, n’ekyakabiri, kandi n’okweyongerayo?
․․․ Okwesemeza/okucakara
․․․ Omulimu gwange
․․․ Obwomezi bwange oburungi
․․․ Okusemererwa kwange
․․․ Mugenzi wange mubuswere
․․․ Abazaire bange
․․․ Abaana bange
․․․ Eka enungi n’engoye enungi
․․․ Okuba murungi kukira abandi mu buli kinkora
․․․ Kuramya Ruhanga
[Akasanduuko akali ha rupapura 10, 11]
Ebyo Ebyokomereho Nibikutwara Nambere Okugonza Kugenda?
CUMITIRIZA MUNO HA BIKAGUZO BINU
OKWESEMEZA/OKUCAKARA: Okukomaho kwange muby’okwesemeza kungarramu amani? Kulimu emiringo esobora kusisa obwomezi bwange rundi kubulemaza ebiro byoona? Okwesemeza kwa muzano buzano ha bwakanya kake baitu okukarugwamu enaku? Nk’ebyokwesemeza ebinkomereho nobiraba birungi, baitu nibintwarra obwire bwingi muno nkebwa ebindi eby’omugaso?
OMULIMU GWANGE: Nigunsagika kutunga eby’etagisibwa eby’obwomezi, rundi ndi mwiru wagwo? Nigutwara obwire n’amani gange goona, gukata obwomezi bwange mukabi? Nakugondeze kwikarrayo kimu ninkora mukikaro kyokuba n’abomu maka gange orwebagyo? Omukama wange obwandagira kukora omulimu ogutalibaniza isenkati omutima wange rundi kukadibya eby’omwoyo byange, ndagukora nukwo nyeyongere kuba ha mulimu ogu?
OBWOMEZI BWANGE OBURUNGI: Obwomezi bwange timbweferaho rundi nfaayo muno kubulinda? Nubwo buba mumbazo zange eza butoosa? Omulingo ogu mbutwaramu nikyoleka ngu ninfayo hali ab’omumaka gange?
OKUSEMERERWA KWANGE: Kinu nikyo nfaho kukira ebindi? Nkuta muno mukikaro eky’okubanza kukira okusemererwa kw’ab’omu maka gange? Omulingo ogu nserra okusemererwamu nikihikana n’okuramya kwa Ruhanga ow’amananu?
MUGENZI WANGE MUBUSWERE: Ogu ou nyikara nawe mubuswere mutwara nka mutahi wange obu kiraba nikihikana n’okusemererwa kwange? Muha ekitinisa ekimusemerire nk’omuntu? Enyikiriza mu Ruhanga n’ehinduraho nkoku ntwara mutahi wange omu buswere?
ABAZAIRE BANGE: Obundaba nkyali muto, nimpurra abazaire bange, nimbagarukamu n’ekitinisa, ninkora emirimo ei bampaire, ningaruka haka obwire obu bandagiire, ninyetantarra kimu emikago emibi n’ebikorwa byabu ebi bantanga? Obundaba nkuzire, mpuliriza abazaire bange, nimbaha ekitinisa, nimbaha obukonyezi nkoku kiraba nikyetagisa? Enkoragana yange nabo esigikirra nkoku nyehurra rundi hakuhaburwa kwe Kigambo kya Ruhanga?
ABAANA BANGE: Mpurra obujunanizibwa bw’okwegesa abaana bange engeso nungi, rundi ninihira ngu isomero niryo lirakikora? Mbaho n’obwire okuba nabaana bange, rundi ninihira tivi, eby’okuzanisa, compyuta okuba nabo? Nguma nimpana abaana bange obu baanga okuhurra okwijukya kwa Ruhanga rundi nkikora obu bambihiza?
EKA ENUNGI N’ENGOYE ENUNGI: Kiki ekisaramu nkoku nfaayo hanzooka yange nitungo lyange—kuhuniriza batahi bange? Habw’oburungi bwa maka gange? Rundi habw’ensonga ngu ndi muhereza wa Ruhanga?
OKUBA MURUNGI KUKIRA ABANDI MU BULI KINKORA: Mpurra ngu kikuru muno okukora buli buli kintu kyona kurungi? Ndengaho kukora ebirungi kukira abandi? Mpurra kubi omuntu ondi obwakora ebirungi okunkira?
KURAMYA RUHANGA: Okutunga okusimibwa Ruhanga kukuru muno okukira okusimibwa omutahi wange omubuswere, rundi abaana bange, abazaire bange, rundi n’ogu ow’ankonzesa? Okusobora kuba n’obwomezi oburungi, nteeka obuheereza bwa Ruhanga mukikaro kya hamperu?
CUMITIRIZA HA KUTERERRA KWA BAIBULI
Ruhanga aine mwanya ki omu bwomezi bwawe?
Omugambizi 12:13: ‘Tiina Ruhanga okwatege ebiragiro bye. Baitu nibyo byonka bihikirire omuntu okukora.’
WEKAGUZE: Obwomezi bwange nibwoleka ngu ebintu nimbitwara omulingo ogugambirweho? Obuhulizi hali ebiragiro bya Ruhanga bunsarramu nkoku ntwaramu obujunanizibwa bwange haka, naha mulimu, rundi ha’isomero? Rundi eby’etaago bindi rundi okupikirizibwa kw’obwomezi kunyambire kufisaho akaire aka Ruhanga?
Oine muganjano gwa mulingo ki na Ruhanga?
Enfumo 3:5, 6: “Yesiga Mukama n’omutima gwawe gwona oleke okwigamira ha kwetegereza kwawe wenka. Omu muhanda yawe yona omwatulege. Kandi nuwe aliterekereza emihanda yawe.”
Matayo 4:10: “Oramyege Mukama Ruhanga wawe, nuwe oko’rege wenka.”
WEKAGUZE: Gunu nugwo omulingo ndukwehurramu hali Ruhanga? Ebintu ebindukukora buli kiro n’omulingo ogunjangurramu emitalibano, nigwoleka obwesigwa n’okumalirra hali Ruhanga?
Haliwe kikuru kwingana nkaha kusoma n’okweyegesa Baibuli?
Yohana 17:3: “Buno nubwo obwomezi obutahwaho, okumanya iwe Ruhanga omu ow’amananu, nogu ou watumire, Yesu Kristo.”
WEKAGUZE: Obukuru obumpa okusoma Ekigambo kya Ruhanga n’okukicumitirizaho nubwoleka ngu mananu ninkikiriza?
Okuba munsorrokano ez’Ekikristayo kikuru hali iwe okwingana nkaha?
Abaheburaniya 10:24, 25: “Kandi tutekerezege okwekambisangana okugonzangana nokukora engeso ezisemire okutaleka okwesorozaga hamu . . . kandi okweyongera tweyongerege tuti nkoku murora ekiro kiri haihi n’okuhika.”
Zabuli 122:1: “Nkasemererwa obubangambire Ngu tugende omu nju ya mukama.”
WEKAGUZE: Omulingo ndikutwaramu obwomezi bwange nikyoleka okusiima kwange handagirro enu ey’esangwa mu Kigambo kya Ruhanga? Omwezi ogwahoire, nkosamu obutagenda mu nsorrakaniro ez’Ekikristayo habwokuba nkaikiriza ebintu okumpugura?
Noyetaba nobwekambi mu kutebeza abantu abandi hali Ruhanga n’ebigendererwa bye?
Matayo 24:14: “Enjiri enu ey’obukama eritebezebwa omu nsi zona okuba kaiso . . . , nubwo empero erihika.”
Matayo 28:19, 20: “Mugende muhindule amahanga gona abegeswa, . . . nimubegesa okukwata byona ebinabaragire.”
Zabuli 96:2, 3: “Muzinire Mukama, mwebaze ibara lye. Mwolekege okujunwakwe obukyabukya.”
WEKAGUZE: Omulimu gunu gwine ekikaro ekyamaani muno mubwomezi bwange? Okugwetabamu kwange nikwoleka ngu ninyikiririza kimu ngu ebiro ebitulimu bya kabi muno?