“Mulihurra Obulemu”

“Kuruga nfooka munyamakuru emyaka nka 60 enyuma, naakahandiika ha bulemu oburukwahukana oburukuhingura omu 40 okwetoroora ensi yoona. Nkarora okusika emiguha okukaba kuli hagati ya United States na Soviet Union nikweyongera, kandi nayongera nakurora obukukaba nikuhwaho. Baitu nyeralikiriire muno omu 2025 kukira na kara. Emu ha nsonga eri ngu haroho obulemu obw’emirundi nyingi obuliyo nibubaho. Ensonga endi eri ngu bumu ha bulemu bunu, nibusobora kukwataho kubi muno eby’obulemi obw’ensi yoona omu mulingo kitakabahoga.”—John Simpson, omunyamakuru wa BBC, enyehurra ezimu niitwe tuzongiiremu.

Abantu beeralikiriire habw’obulemu obuliyo nibugenda omumaiso omu nsi. Baingi nebeekaguza obulemu obu buraaba nibusobora kuhwaho. Kiki Yesu eki yayegeseze?

Yesu eki yayegeseze

Yesu akaranga enyikara ezi turukurora omu nsi kasumi kanu. Akahabura abahondezi be ati: “Mulihurra obulemu n’amakuru agarukubazaaho obulemu.”—Matayo 24:6.

Noobu kiraaba ngu obulemu n’okurwana ebi turukurora kasumi kanu nibitutuntuza muno, twine ensonga enungi ey’erukutuleetera okunihira. Nsonga ki egi? Yesu akeegesa ngu obulemu obw’amaani, ebintu ebirukubaho, enyikara, engeso hamu n’enyetwaza y’abantu, byona hamu byakubaire ‘nk’akokurorraho’ akarukwoleka ‘empero ey’enteekaniza ey’ebintu’ enu. (Matayo 24:3; Luka 21:7) Kinu nikimanyisa ngu omu kasumi akomumaiso, Yesu naija kumaraho obulemu. Omu mulingo ki?

Yesu eki arukwija kukora

Omu kasumi akatali ka hara, Yesu anyakuli Mukama w’Obukama bwa Ruhanga, naija ‘kumaraho obulemu kuhika ha mpero z’ensi.’—Zabbuli 46:9.

Kumanya ebirukukiraho h’akasumi kanu akarungi ak’omumaiso, omulingo karukwija kubaho, n’omulingo obwomeezi buliba omu kasumi ako, soma ekicweka “Omulingo Obulemu n’Okurwana Birihwaho.”