Nitusobora Kusingura Enobi!

Obukiraaba kitakakuhikahoga, n’osobora kuba orakirozereho. Tukira kurora abantu banoberwe habw’erangi yabo, ihanga eribarukurugamu, rundi ediini yabo. Kinu kiretiire gavumenti nyingi kuteekaho ebiragiro ebirukutanga kunoba abantu abandi.

Abantu obubabanoba nabo banoba abandi. Kandi bakira kugonza kuhoora ezingu, ekiretera enobi kweyongera.

Nikisobora kuba ngu haroho naiwe obubakusoroora, bakujerega, bakusekereza, bakujuma rundi bakutiinisiriza. Baitu enobi tekira kugarukira ha bintu binu. Enobi ekira kuragamu ekiniga eky’amaani, kurwana, kusiisa ebintu, kwitangana, kuhamba, hamu n’ekiita bantu.

Akatabu kanu nikaija kubazaaho ebikaguzo binu kandi kooleke omulingo tusobora kusingura enobi:

• Habwaki haroho enobi nyingi?

• Nitusobora tuta kutangira enobi kweyongera kujanjaara?

• Halibaho akasumi enobi obweriba etakyaroho?