N’Okigumya ngu Emirago ya Yahwe Niija Kuhikirra?

Yosuha hamu n’Omukama Sulemani bakakigumya ngu emirago ya Yahwe yoona ehikirra. (Yos 23:14; 1Bakam 8:56) Ebigambo eby’abasaija banu babiri nibyongera kugumya okwikiriza kwaitu.​—2Kol 13:1; Tit 1:2.

Yahwe akahikiriza ata emirago ye omu kasumi ka Yosuha? Murole hamu nk’eka, vidiyo ‘Not One Word Has Failed.’ Hanyuma mugarukemu ebikaguzo binu: (1) Rahabu ebiyakozere kwoleka okwikiriza kwe nobyegeraho ki? (Baheb 11:31; Yak 2:24-26) (2) Ekyokurorraho ekya Akani nikyoleka kita ngu obujeemu niburugamu akabi? (3) Abasaija ba Gibeoni n’obubaraaba baali barwani ab’amaani, habwaki bacwiremu kubiiha Yosuha kandi bakora endagaano y’obusinge na Isareri? (4) Ekigambo kya Yahwe kikahikirra kita abakama abataano ab’Abamoli obu batinisiriize Isareri? (Yos 10:5-14) (5) Yahwe akukonyire ata omu bwomeezi bwawe habw’okubanza kwebembeza Obukama bwe hamu n’okuhikirra kwe?​—Mat 6:33.

Okwikiriza kwaitu omu mirago ya Yahwe nikwija kweyongera kuguma obuturacumiitirizaaho ebintu eby’akozere, eby’arukukora hati kandi n’eby’arukugenda kukora.​—Bar 8:31, 32.